როგორ ახსნიდა სულხან-საბა ორბელიანი ქართულ თანამედროვე ჟარგონებს:

ა
ავარდნა – ჟინთ აშლა
არიფი – ჰარიფი – უცდელზედ ითქმის
ატაშოლი – ძმადნაფიცისა ძმობითგან განზიდვა
აუდე – წარსვლისათვის უკმეხი მოწოდება
ახევა – წართმევა მძლავრისაგან
ახვევა – წარსლვა უპატიურისა
ახურუშებული – ქუჱნა გრძნობათ აყოლილი

ბ
ბაზარი – სიტყუა-პასუხი
ბაზრის შეყვანა – რა პირისა მოსაშინჯად სიტყუა განფინო, დაბაზრებასთან ნახე
ბაზარში წამოიკიდა – საუბრითა მტყუვან-ჰყო
ბათქი – ურთიერთ საშუღლო პაემანი
ბაიანი – ნემსიანი ჭურჭელი
ბანძი – ცუდუბრალო
ბაცნობა – უწვერულთ ყრმათა ლაღობა
ბლატავი – გულ მაღლად საუბარი
ბოი-ფრენდი – ენგლიზელთა ენაზედ კუროსა ჰქვიან, სიძჳთ მტრფიალებელი
ბოლი – თრიაქთ წვისა მშრალი ნისლი

გ
გაბლატავდა – გული მოიცა
განაბი – ქურდთაგან ბაძის ამღები
გასაღება – ქირით მოკლვა
გარეკილი – ჭკვა მხიარული
გატანა – ჭერ-ქუეშ ცარცვა
გატისკვა – უპატიური წურთნა
გატეხილშია – ხასიათ შემუსვრილია
გაუჩალიჩა – ავი შემართა
გრეხი – კაცის მიმართ შენაცოდი რაჲმე
გულავი – თჳსისა სურჳლისამებრ დროის გატარება

დ
დააბრეხვა – როყიო სათქუმელი თქუა
დააგოიმა – შეტყუილის დაჯერება აქმნია
დაბოლილი – ბოლითგან დაბანგული
დაბრედა – ამა სოფლითგან მიფარვა
დაგინება – ბილწითა ენითა აღკრძალვა რაიმესი; გინა ბილწი ფიცილი
დავასება – თუალ შევარდნით სიამე
დაიადა – თჳსს კერძოდ ჰყო
დაიზეთა – უარისათჳს საბაბი შეუჭირდა
დაიწვა – ვერ დაფარულ ეყო
დაკიდება – საფიქრალითგან განდევნა
დალივერება – თუალ-თუალის ყოფა
დერსკობა – ამაყთ წარბ მაღლობა
დილიხორი – გამხელილი ხუაშიადი

ე
ეე! – ესრეთ იზრახვიან ჟამსა განკჳრვებისასა, ანუ გახარებისასა, ანუ იმედის გაცრუებისა გინა გარდაწურჳსასა; გარნა სხუაჲ არს ოდეს ესე ვითარად უამურს მოუწოდებდნენ ვისმე

ვ
ვალის დადება – მცირედის მადლისა ყვედრება
ვაჟნი – ცუდმედიდი
ვაფშე – ყოვლით კერძო
ვეში – ესე არს ავეჯი სახლისა და ჭურჭლეული, რაგინდრა (გლეხურად); კვალადვე ვეშად იწოდების თჳთეული ცალკე უსულო საგანი, ესრეთ, რომ უკეთუ რამე მოსწონთ, ამბობენ: მაგარი ვეშიაო.

ზ
ზასი – ღია პირითა ურთიერთის კოცნა
ზასაობა – ზასთ გადაბმულობა
ზახოდი – მსხდომთაგან წრეში მოსატარებლად სამყოფელი რამ
ზონა – ავაზაკთ შესაწყუდეველი
ზუბი – ფარული ჯავრი

თ
თესი – მიმალვა მეყუსეული
თომარი – სიტყჳთ შექცევა

ი
იაზვა – მწარედ მსიტყუჱლი
იასნი – თუალითა დანახული
იზმენა – რისამე ვერ-ყოფისათჳს გულისა ძრწოლა
იდეინი – ჰაზრით მაცხოვნე

კ
კაიფი – სიამე აღმატებული; გინა მიუმხუდარისა დაცინვა
კატაობა – ნარნარად სრბოლა
კიმარი – გაბრუებულის კაცისაგან თავის კანტურზედ იტყჳან
კიშკაობა – მომეტებულის საჭმლისა შექცევა
კუში – ფულად მისაღები

ლ
ლ – ესე ბგერა, ზედა კბილთ თანა ენის წუერვალის მიტანისა შემდგომ საშუალ ენით წარმოთქმული, არს ნიშანი მდაბიორობისა
ლაწირაკი – ერთი წვრილფეხა გოგო ბიჭ-თაგანი

მ
მანდრაჟი – სულთ ფორიაქი
მარიაჟი – თჳსის პეწისა დია მოყვარული
მანაგუა – თრიაქის ფაფა
მასტი – რისამე თანხუედრად კეთილი
მაყუთი – ნაღდი ფული
მახატია – არად მიჩნს
მოზგი – ბევრისა მცოდნე, თუმც არა-ბრძენი
მოყომარება – შეგონებით დარწმუნება
მოწვა – ზრახვასა მიუხვდა
მუღამი – გულისთქმისა პასუხი

ნ
ნაშა – დიაცი წვრილფეხა, გარნა პირკეთილი და ტანკენარი
ნაჩათლახარი – ჩათლახად ნამყოფი
ნარკუშა – საკურნებელთა ავად მხმარებელი
ნაროდი – ხალხი მდაბიორი, ვიეთნი სბროდად უმობენ
ნასედკა – ავთა მსტოვარი

ო --------

პ
პაბეგშია – მალვით სუფევს
პიარი – ხალხთ დარწმუნების მეცადინობა
პლანაქეში – თრიაქისა გარდამეტებით მწეველი
პრიკოლი – უნდილ საღრეჭი
პრავი – მართალი მარწმუნებელი

ჟ
ჟოპასტენკა – პანღურის ამორტყმით თამაშობა უგვარი, ბაცნები იქმან

რ
როჟა – კაცი უამური
როჟის კერვა – მწუთხის სახისა შეკუჱთა

ს
საიმი – გეშის აღება
სასტავი – მოყუასთ ერთობა
საჩკაობა – თავისა მოზანტება
სიფათი – სახე უშვერი

ტ
ტეხავს – აუგია
ტრუხა – ამაო, ფუტუროსაჳთ

უ---

ფ
ფანი – გარდარეული მოთაყვანე
ფაიზაღი – ნანდჳლ სარწმუნო
ფაქტი – თრიაქთა და ესე ვითართა მცირე რამ შეკვრა
ფუფლო – პირობას გარდასრული

ქ
ქაჯი – მეტის მეტი ტეტია
ქსივა – ჯიბეს საქონი მცირე რამ საბუთი მარწმუნებელი

ღ---

ყ
ყიყინი – კეთილი მოაჯეობა

შ
შარაფი – ქეიფი ღრეობა-ზედ უმცირესი
შატალო – შეგირდთ უმოძღურო ხეტიალი
შე-ჩემა – უდიერი მოწოდება
შუხური – ჩოჩქოლი და შუღლი დია ხმამაღალი

ჩ
ჩალიჩი – ქმნად მიდგომა
ჩამშვები – მაბეზღარი
ჩაჭრა – გაგებასა შიგან დამარცხება
ჩმორი – ვერ-მძლე

ც---

ძ---

წ
წველა – ნებსით ფასისა ხშირი რთმევა
წიკი – ნერვთა გზნებით აკჳატებული რამ

ჭ---

ხ
ხიპიში – შფოთი
ხოში – ლტოლვა
ხურუში – ქუჱნა გრძნობა

ჯ
ჯაგა – ბარბაროზი
ჯიგარი – უცხოთა გულისწადილისა მიმხუდომი

ჰ
ჰარიფი – უცდელზედ ითქმის