ცნობილი ბლოგერი და ლექტორი გურამ შეროზია სამუშაოდ ინდოეთში მიდის, ამის შესახებ ის სოციალურ ქსელში წერს:

„აუჰ ძალიან კარგი ამბავი უნდა გაცნობოთ!

ჩემი საერთაშორისო გამოცდილების გაღრმავება გრძელდება - ამჟამად გავიმარჯვე ერთერთ საერთაშორისო კონკურსში და მივდივარ სამუშაოდ ინდოეთის ერთ-ერთ საუკეთესო უნივერსიტეტში, ევროპული პროექტის ფარგლებში და ვიქნები ერთადერთი თანამშრომელი კავკასიიდან.

ვიმუშავებ მარკეტინგის მენეჯერად და პლუს წავიკითხავ სალექციო კურსებსაც. თავიდან Aiesec-ის Opportunity-ებიდან დავუკავშირდი, მერე მრავალი ეტაპი გავიარე და შაბათს უკვე მივემგზავრები, სამ თვიან პროექტზე. შევთანხმდით, რომ ნახევრად იქ ვიქნები, მერე ჩამოვალ და აქედან გავაგრძელებ მუშაობას.

სხვათა შორის დაქვემდებარებაში ევროპელები არასდროს მყოლია!

მანამდე, 2016 წელს მარკეტინგ მენეჯმენტის ლექციების ჩასატარებლად პოლონეთში ვიყავი, ბიალისტოკის ტექნიკურ უნივერსიტეტში, მერე წელს - რუმინეთის უდიდეს უნივერსიტეტში - პერსონალური ბრენდინგი და ონლაინ მარკეტინგი წავიკითხე და ახლა კიდევ უფრო კარგ ამბებში მივემართები.

შაბათ-კვირებზე მთელ ინდოეთს და ნეპალს შემოვივლი და მომავალ წელს დავბრუნდები, მეტი გამოცდილებით, ცოდნით და ტკბილი მოგონებებით!

პარალელურად ვირბენ და ჩემი ტურისტულისთვის ბევრ ახალ, აზიურ კონტაქტს შევიძენ!

პლუს, ბლოგსაც ავაღორძინებ, საინტერესო თავგადასავლებით :დდ

რა მაგარი წელია ეს 2017, რამდენი რამე უნდა მოხდეს კიდევ!“- წერს გურამ შეროზია