განათლების სისტემაში ცვლილებები იგეგმება, რაც უწყებათაშორისი კომისიის შექმნასა და მანდატურების ინსტიტუტის საპატრულო პოლიციასთან მჭრიდრო კავშირის დამყარებას გულისხმობს.

„შევხვდი შს მინისტრს და გადავწყვიტეთ, რომ შეიქმნას უწყებათაშორისი ჯგუფი, სადაც შევლენ სხვადასხვა სამინისტროები, მათ შორის, განათლების, შინაგან საქმეთა, იუსტიციის კულტურის, სპორტის და ახალგაზრდობის, აგრეთვე არასამთავრობო ორგანიზაციები, საერთაშორისო ორგანიზაციები, რომლებიც ახალგაზრდული თემატიკით არიან დაინტერესებულნი, რომ მოხდეს ჩამოყალიბება სტრატეგიის, რათა მსგავსი ტრაგედია არ განმეორდეს.

პირველ რიგში, საკითხი ეხება სკოლებში უსაფრთხოებას, მანდატურების სამსახური გადაიხილება, მოხდება ფუნდამენტური შესწავლა, გაძლიერდება და მჭიდრო კავშირი დამყარდება მანდატურსა და საპატრულო პოლიციის შორის. საპატრულო პოლიციის დანიშნულება იქნება მიმდებარე ტერიტორიის გაკონტროლება, ეს განსაკუთრებით მნიშვნელოვანია გაკვეთილების შემდეგ დროისთვის,“ - აღნიშნა განათლების მინისტრმა, თუმცა კითხვა, როგორ მოხდება პატრულილება ამაზე დეტალურად არ ისაუბრა. ამასთან, ჩხენკელის განცხადებით, პატრულირება მთელი ქვყენის მასშტაბით მოხდება, ჩვენი მიზანია, რომ უკლებლივ ყველა სკოლა იყოს უსაფრთხო. ახლა მიმდინარეობს შესწავლა,” – აღნიშნა ჩხენკელმა.

განათლების მინისტრის განცხადებითვე, ყველა სკოლაში ფსიქოლოგთა ჯგუფი იმუშავებს

„პრობლემა ძალიან სერიოზულია და სერიოზულ შესწავლას მოითხოვს. მქონდა შეხვედრები ცნობილ ფსიქოლოგებთან, რომლებიც ბავშვთა ფსიქოლოგიის მიმართულები მუშაობენ, აქვთ კვლევბი და სამუშო გამოცდილება და ძალიან საინტერესო გეგმები დავსახეთ. სკოლებში იქნებიან ფსიქოლოგები. ასევე, მინდა გითხრათ იმისთვის, რომ ყველა სკოლა მოვიცვათ, ჩართულნი იქნებიან არამხოლოდ პროფესიონალი ფსქიოლოგები, არამედ ფსქილოგიის მიმართულების საუკეთესო მაგისტრანტები და დოქტორანტები,” - განაცხადა ჩხენკელმა.