"სხდომათა დარბაზში ბოკერია გვიზის... ვრწმუნდები, რომ ჩვენი აქ ყოფნა ფუჭია"- ადა მარშანია

პოლიტიკა - 17:29, 06 Dec, 2017

4164

„პატრიოტთა ალიანსის“ წევრი, პარლამენტარი ადა მარშანია ქვეყანაში შექმნილ ვითარებაში ისევ „ერთიან ნაციონალურ მოძრაობას“ და ამჟამად უკვე „ევროპული საქართველოს“ ლიდერს, გიგა ბოკერიას ადანაშაულებს. მარშანიამ აღნიშნულ საკითზე დღევანდელ რიგგარეშე სხდომაზე ისაუბრა. ადა მარშანია ბოკერიას მოუწოდებს, რომ დეპუტატის მანდატი დატოვოს, საზოგადოებას ბოდიში მოუხადოს და სახლში წავიდეს:

„ნაციონალური მოძრაობა“ ლექციებს და ნოტაციებს გიკითხავთ, „ქართულო ოცნება“ გილოცავ, რადგან ეს დაიმსახურეთ. ზრდასრული ადამიანი ადა მარშანია რას ვხედავ? – სხდომათა დარბაზში ბოკერია გვიზის, რომელიც დეპუტატია. თქვენ აქ არ უნდა იჯდეთ ბატონო ბოკერია, თქვენ იცით ეს თუ არა? და იცით, რა იქნებოდა შესანიშნავი ფაქტი პარლამენტის ამ შენობაში? რომ აქ დავიწყოთ ჩვენ სამართლიანობის აღდგენა და სიმართლის თქმა და სინდისიერი მოქმედება.იცით, რა იქნებოდა კარგი? თქვენ რომ ამ ტრიბუნაზე ამობრძანდეთ, ბოდიში მოუხადოთ სრულიად საქართველოს იმ ცხრა წლის გამო, დადოთ მანდატი თქვენი, აი, აქ და წახვიდეთ სახლში. ეს პირადად თქვენი გასაკეთებელი საქმეა, რამდენიმე დღეში აი, ამათი მინისტრები, ქართული ოცნების მინისტრები რომ არიან, თქვენთან უნდა მოვიდნენ საბრალდებო დასკვნით, რომელიც დიდი ხანია, დაწერილი უნდა ჰქონდეთ. მივმართავ ქართულ ოცნებას, როდემდე ვიცხოვროთ ჩვენ ასე, ბატონებო? ჩვენ არც დებატებში ვღებულობთ მონაწილეობას, არც კითხვებს ვსვამთ და არც პასუხები გვაინტერესებს. ვრწმუნდები, რომ ჩვენი აქ ყოფნა ფუჭია. რით ვარ დაკავებული, ბოლომდე ვერ გავიგე. ვითომ, ქვეყანაში პარლამენტი გვაქვს. თქვენ და ლომაია განათლების დარგს თავს რომ დაესხით, ეს ცნობილია და ამ დარგის ნგრევა კვლავ მიმდინარეობს“- განაცხადა ადა მარშანიამ.