საკანონმდებლო ორგანოში მთავრობის სტრუქტული ცვლილების კანონპროექტი პოლიტიკური დებატების მთავარი თემაა. ოპოზიციას მმართველ გუნდთან კითხვები აქვს იმასთან დაკავშირებით, თუ რამდენს დაზოგავს სახელმწიფო ამ ცვლილებების შედეგად და რამდენი ადამიანით შემცირდება საჯარო მოხელეთა რიგებში.

მთავრობის საპარლამენტო მდივანმა განაცხადა, რომ კონკრეტულ ციფრებთან დაკავშირებით ვერ ისაუბრებს და ეს შესაძლებელი მხოლოდ ცვლილებების განხორციელების შემდეგ გახდება. შესაბამისად, 2018 წლის ბიუჯეტში ეს ასახული არაა და მთავარ ფინანსურ დოკუმენტში ცვლილებები მოგვიანებით აისახება.

ეს განცხადება ოპოზიციის მხრიდან მწვავე განცხადებების საბაბი გახდა, „ევროპული საქათველოს“ ლიდერის გიგა ბოკერიას თქმით, ხელისუფლება ცვლილებებს ისე ანხორციელებს, რომ თავად არ აქვს გარკვეული, რა და როგორ უნდა მოხდეს. ბოკერიამ შეკითხვით შალვა თადუმაძეს მიმართა:

„ახლა გაირკვა, რომ მთავრობას შეუძლია, გაერთიანებების შედეგად შემცირება მოახდინოს, მაგრამ ჰოი, საოცრებავ! - საერთო ჯამში, ხარჯები ისევ გაზრდილია. ჩემმა ერთმა მეგობარმა იხუმრა, მხოლოდ „ოცნების“ მთავრობას შეუძლია, რომ შესაკრებთა გადანაცვლებით ჯამი გაზარდოსო. თქვენ არ გეუბნებოდნენ ამას? დაგიმალეს? ამ დღეებში შეიტყვეთ თუ რაშია საქმე? როგორ მოხდა, რომ კომიტეტის სხდომაზე არაფერი გვითხარით და მთავრობამ ახლა წარმოგვიდგინა შემცირებული ხარჯები,“- განაცხადა გიგა ბოკერიამ.