მიხეილ სააკაშვილის მიერ შეთავაზებული გამოსავალი უკრაინას იმ დაპირისპირებამდე მიიყვანს, რაც ქვეყანაში მდგომარეობას კიდევ უფრო დაამძიმებს - ამის შესახებ პარლამენტის ვიცესპიკერმა, გია ვოლსკიმ განაცხადა.

მისი თქმით, უკრაინაში რთული სიტუაციაა.

„ამას არც ოფიციალური ხელმძღვანელობა მალავს. კორუფცია იქნება, ეკონომიკური თუ სოციალური საკითხები - ყველაფერი ეს გარკვეული ავანტიურებისთვის პლატფორმას ქმნის და სააკაშვილის მიერ შეთავაზებული გამოსავალი უკრაინას იმ დაპირისპირებამდე მიიყვანს, რაც ქვეყანაში მდგომარეობას უფრო დაამძიმებს. ამ თვალსაზრისით გასათვალისწინებელია რუსეთის ფაქტორიც“, - განაცხადა გია ვოლსკიმ.