განათლებისა და მეცნიერების მინისტრის მოადგილე ლია გიგაური ჟურნალისტებთან ამბობს, რომ ამ ეტაპზე #51-ე საჯარო სკოლისა და პირველი ექსპერიმენტული სკოლის დირექტორების გათავისუფლების საკითხზე განათლების სამინისტროში მსჯელობა არ მიმდინარეობს.

მინისტრის მოადგილე ამბობს, რომ დირექტორების პასუხისმგებლობის საკითხი მას შემდეგ დადგება რაც გამოძიება დაადგენს, რა მოხდა და ვინ იყო დამნაშავე.

„ჩვენ დაველოდებით გამოძიების დასრულებას და მისი დასრულების შემდეგ დავიწყებთ მსჯელობას მათ პასუხისმგებლობასთან დაკავშირებით“, - აღნიშნა ლია გიგაურმა, რომელიც შს სამინისტროში უწყებათაშორის საკოორდინაციო საბჭოს შეხვედრას ესწრებოდა.