სისხლიანი გარჩევა თბილისში - ვერაზე დაჭრილ მოზარდს მეორე ოპერაცია უტარდება. აღნიშნულის შესახებ განცხადება ჯანდაცვის მინისტრის მოადგილემ გააკეთა.

ზაზა სოფრომაძის განცხადებით, დაჭრილი მოზარდის მდგომარეობა მძიმეა. ის რეანიმაციულ განყოფილებაშია მოთავსებული და მედიკოსები მისი სიცოცხლის გადასარჩენად იბრძვიან.

"პაციენტი ნული წნევით შემოვიდა. სისხლი ფაქტობრივად არ ჰქონდა დარჩენილი და საოპერაციოში გულის მასაჟით შეიყვანეს. უკეთდებოდა ოპერაცია მაგისტრალურ ბარძაყის სისხლძარღვებზე. აქვს 14 ჭრილობა, აქედან 7 ძირითად ორგანოებზე. დაზიანებულია ღვიძლი და გულმკერდის არეც. პაციენტს აქვს ახალი სისხლი და რამდენად მიიღებს ორგანიზმი ამ სისხლს ამაზეა დამოკიდებული ყველაფერი“, -განაცხადა რესპუბლიკური საავადმყოფოს დირექტორმა ავთანდილ იმედაძემ.

შეგახსენებთ, რომ ვერაზე მომხდარის დროს დაჭრილი ორი მოზარდიდან ერთ-ერთი გარდაიცვალა.