,,რატომ მოხდა ჩატაევის გათავისუფლება და... დღესდღეობით რაც ჩაიდინა, ერთი მეორესთან კავშირში შეიძლება არ იყოს"- კილაძე

პოლიტიკა - 17:04, 01 Dec, 2017

1387

ადამიანის უფლებათა დაცვის კომიტეტის თავმჯდომარის სოფო კილაძის თქმით ტერორიზმის საფრთხე მთელ მსოფლიოშია და თუ ამ საკითხთან შეხება საქართველიოსაც მოუწია, ეს არ ნიშნავს იმას, რომ საქართველოს შესაბამისი სამსახური არაეფექტურად მუშაობს:

„სამწუხაროდ 21-ე საუკუნეში, ყველა ქვეყანაში, განსაკუთრებით დასავლურ ქვეყნებში ხდება ის უბედურება, რასაც ტერორიზმი ჰქვია და ასევე გვინახავს არა ერთი ტერორისტული აქტი, მათ შორის ჩვენს დასავლურ პარტნიორებთან. ეს არ ნიშნავს იმას, რომ ჩვენი სამსახურები მუშაობს არაეფექტურად.“- განაცხადა სოფო კილაძემ.

დეპუტატი აჰმედ ჩატაევის საკითხსაც გამოეხმაურა და მასთან დაკავშირებით საქართველოს ყოფილი და მოქმედი ხელისუფლების ქმედებები შეაფასა:

„ორი საკითხი უნდა გავყოთ ერთმანეთისგან, რატომ მოხდა იმ ადამიანის გათავისუფლება, ამას სულ სხვა საფუძველი ჰქონდა და დღესდღეობით ის, რაც ჩაიდინა ამ ადამიანმა. ერთი მეორესთან პირდაპირ კავშირში შეიძლება არ იყოს და ამიტომ აქედან გამომდინარე, სჯობს დაველოდოთ საბოლოო შედეგებს გამოძიების,“ - აცხადებს კილაძე.

შეგახსენებთ, დღეს სახელმწიფო უსაფრთხოების სამსახურმა 21-22 ნოემბერს გაბრიელ სალოსის ქუჩაზე ჩატარებულ ანტიტერორისტულ სპეცოპერაციასთან დაკავშირებით ბრიფინგი გამართა, რომელზეც ოფიციალურად დაადასტურეს რომ სპეცოპერაციის შედეგად გარდაცვლილ ადამიანთა შორის საერთაშორისო ტერორიზმში ბრალდებული აჰმედ ჩატაევია.