რა გარანტიით ცხოვრობდა ჩატაევი თბილისში და რატომ არ ჩაერთო შავნაბადას ბატალიონი სპეცოპერაციაში

რა გარანტიით ცხოვრობდა ჩატაევი თბილისში და რატომ არ ჩაერთო შავნაბადას ბატალიონი სპეცოპერაციაში - შაშკინი

პოლიტიკა - 16:23, 01 Dec, 2017

11811

მთავრობა ცდილობს ჩიხური სიუაციდან გამოვიდეს და ეს დამოკიდებულება არათუ არასწორია, არამედ უფრო მეტად ჩიხში შეიყვანს მათ - ასე აფასებს თავდაცვის ყოფილი მინისტრი, თბილისში ჩატარებული სპეცოპერაციის შესახებ, სახელმწიფო უსაფრთხოები სამსახურის მიერ დღეს გაკეთებულ განცხადებას.

დიმიტრი შაშკინს სამი მთავარი კითხვა აქვს ხელისუფლების მისამართით და ამასთან, განსაკუთრებულ ყურადღებას ამახვილებს იმ ფაქტზე, რომ ამ ტიპის სპეცოპერაციაში არ იყო ჩართული შავნაბადას ბატალიონი, რაც, მისი თქმით, კითხვის ნიშნებს აჩენს.

,,პირველი - საუბარი იმაზე, რომ არალეგალური გზით შემოვიდა ჩატაევი საქართველოში, არის ტერმინებით თამაში. პირი, რომელიც სამი სპეცსამსახურის მიერ იძებნება, მათ შორის ტერორიზმისა და ათათურქის აეროპორტზე თავდასხმის გამო, ასეთი ადამიანი რომ არალეგალური გზით შემოვიდოდა და საკუთარი გვარ-სახელით არ დაფიქსირდებოა, ეს უდაო ფაქტია და ბუნებრივია. მაგრამ ის, რასაც ჩვენ მთავრობა არ გვეუბნება არის, თუ როგორ მოხვდა საქართველოს ტერიტორიაზე? შეკითხვა არის მარტივი. ის, რომ ცალფეხა და ცალხელა ადამიანმა საქართველოში მთა-მთა იარა და ის შემოვიდა, ლოგიკურად ამ ვერსიას არავინ დაიჯერებს. ამდენად, ამ ინფორმაციის მიწოდებით მხოლოდ და მხოლოდ ცდილობენ საზოგადოების ინტერესი დააკმაყოფილონ იმით, რომ არალეგალურად შემოვიდა. უნდა თქვან, როგორ შემოვიდა - რკინიგზით, სარფის საბაჟოს გავლით თუ როგორ? ეს კითხვა დასვა ამერიკის ელჩმაც. სიტყვა არალეგალურად შემოსვლა არაფერს არ იძლევა.

მეორე შეკითხვა - ადამიანი, რომელსაც ეძებს სამი სპეცსამსახური, ამდენი ხანი ცხოვრობდა ისე, რომ არ მოხვედრილიყო მათ ხელში. ლოგიკუია, ჩავთვალოთ, რომ ის ძალიან ფრთხილი ადამიანი და იცის, როგორც დაიმალოს. თუმცა, ჩვენ ვხედავთ, რომ ასეთი პიროვნება არღვევს ყველანაირ პრინციპს თბილიში ცხოვრობს ისე, რომ აქ აკითხავს ცოლ-შვილი, მისი თანმხლები პირები სხედან თბილისში ,,ბირჟაზე“, მაღაზიებში ყიდულობენ პროდუქტს ანუ არ იმალებიან და ძალიან კონფორტულად და უსაფრთხოდ გრძნობენ თავს. წესით, მან იცის, რომ ცოლ-შვილს და ახლობლებს უთვალთვალებენ. სად არის აქაც ლოგიკა?

მესამე შეკითხვაა, რომელსაც არ გვეუბნებიან - საიდან ამდენი იარაღი? თუ მის ხელში ამდენი იარაღი იყო, რა გარანტია გვაქვს, რომ არ გამოჩნდება კიდევ ვინმე სხვა, ნაკლებად ცნობილი, ამდენივე შეიარაღებით? ეს არის სრულიად ლოგიკური კითხვები.

მეოთხე - მიჩნდება სრულიად პრიმიტიული კითხვა - საქართველოში არის შავნაბადას სპეცდანიშნულების რაზმი, რომელიც რეგიონში ითვლება ერთერთ საუკეთესოდ და არიან მაღალი რანგის პროფესიონალები.

ამის ნაცვლად, გამოჰყავთ შინაგანი ჯარის ნაწილი, სპეცდანიშნულების ნაწილები, რომლებიც ასეთი ამოცანისთვის რამდენად არიან მომზადებული, კითხვებს ბადებს. როდესაც გყავს შავნაბადას ბატალიონი, რატომ გამოგყავს რანგით უფრო სუსტი სპეცრაზმი. კიდევ ვიმეორებ, შავნაბადა იქ უნდა ყოფილიყო აპრიორში. ჩვენ კადრში ვხედავთ შინაგან ჯარს, რომელაც უჭირავს კალაშნიკოვი. ესენი ვერ ჩაითვლებიან სპეცსამსახურებად. ასეთი სპეცოპერაციის შესრულება შავნაბადას ბატალიონის მთავარი ამოცანაა.

რჩება ბოლო მეხუთე შეკითხვა - ვინმემ იქნებ აგვისხსნას, როცა ამხელა სპეცოპერაცია ტარდება, შაჰიდის ქამრებით ხდება აფეთექბები, ისვრიან ხელყუმბარებს, არ იყო საჭირო საბავშვო ბაღის დაკეტვა ან ხალხის ევაკუაცია? ღმერთმა გადაარჩინა საქართველო, რომ რამე უფრო დიდი უბედურება არ მოხდა. მაგრამ სწორედ აქ შემოდის ჩემი მთავარი კითხვა, რაზეც მოგახსენეთ - ჩატაევი იმდენად უსაფრთხოდ გრძნობდა თავს, არც უფიქრია იმაზე, რომ მძევლებით თავი დაეცვა. სპეცოპერაცია ტარდებოდა იმდენად უსუსურად, რომ ტერორისტები მათ ხელში არსებული შეიარაღებით, მთელ კორპუსს აიყვანდნენ მძევლად“ - აცხადებს შაშკინი.

რაც შეეხება სპეცოპერაციაში ამერიკული მხარის მონაწილეობას, შაშკინი ამბობს, რომ ერთადერთი ელჩი ვინც გააკეთა იმ დღესვე განცხადება იყო აშშ-ის ელჩი და მისი განცხადებებიდან შეიძლება ვივარაუდოთ, რომ გარკვეული პერიოდი ამერიკის მხარე იყო ვაკუუმში.

..ზოგადად ვფიქრობ, რომ დარჩა მეტი კითხვები, ვიდრე პასუხები მივიღეთ. ნებისმიერი ფორსმაჟორის დროს, ჯობია თქვა სიმართლე“ -აცხადებს შაშკინი.