საქართველოს მაღალი რანგის სასულიერო პირები ოფიციალური ვიზიტით ამერიკის შეერთებულ შტატებში იმყოფებოდნენ. სასულიერო პირები ვაშინგტონიდან საქართველოში გვიან ღამით დაბრუნდნენ.

შეხვედრების დროს წმინდა სინოდის წევრები საუბროდნენ საქართველოს სტრატეგიულ პარტნიორებსა და ისტორიულ მტრებზე. ქართველი ეპისკოპოსები, ამერიკის შეერთებულ შტატებს საქართველოში რუსული პროპაგანდის წინააღმდეგ აქტიურობისკენ მოუწოდებდნენ.

"ბევრ თემაზე იყო ჩვენთან საუბარი, თუნდაც უსაფრთხოების საკითხები. ძალიან დადებითად შევაფასებდი ამ ვიზიტს. ალბათ, ცოტა ხანში ძალისხმევის შედეგად ჩვენს სახელმწიფოზეც აისახება ეს. ეს ძალიან კარგია, რადგან, სადაც არ უნდა ვიყოთ, ჩვენთვის უპირველესი საქართველოს ინტერესია,“ - განაცხადა საქართველოს კათოლიკოს-პატრიარქის ქორეპისკოპოსმა მეუფე იაკობმა.