„საპარტნიორო ფონდის“ აღმასრულებელი დირექტორი დავით საგანელიძე საერთაშორისო ჩაის კომიტეტის თავმჯდომარე იან გიბსს შეხვადა, რომელიც საქართველოში „საპარტნიორო ფონდის“ მოწვევით ფონდის მიერ ორგანიზებულ საიუბილეო ღონისძიებაზე „ქართული ჩაი 170 წლისსა“ იმყოფებოდა. იან გიფსმა თბილისის აბრეშუმის გზის მეორე საერთშორისო ფორუმშიც მიიღო მონაწილეობა.

„საპარტნიორო ფონდში“ გამართულ შეხვედრაზე მხარეება ქართული ჩაის კულტურის აღორძიბებისა და წარმოების განვითარების შესახებ ისაუბრეს. როგორც საერთაშორისო ჩაის კომიტეტის თავმჯდომარემ, იან გიბსმა აღნიშნა, სხვა დამსახურებებთან ერთად, ქართული ჩაის წარმოება აღსანიშნავია იმითი, რომ სწორედ საქართველოში ჩაეყარა საფუძველი ამ დარგის მექანიზაციას და ეს იყო პიონერი ქვეყანა ქარხნების მასობრივი ავტომატიზაციით.

„ქართული ჩაის ფუძემდებლები ერთხმად აღნიშნავდნენ საქართველოს უნიკალურ კლიმატურ პირობებს და ჩრდილოეთით მდებარეობის იმ უპირატესობებს, რომლებიც თქვენს ქვეყანას ჩაის მწარმოებელი სხვა ქვეყნებისგან გამოარჩევს. ეს ერთობლიობა იდეალურ გარემოს ქმნის ორგანული ჩაის წარმოების განსავითარებლად. ხოლო იმის გათვალისწინებით, რომ თანამედროვე სამყაროში წარმატებული მომავლისთვის უმთავრესი მაღალი ხარისხია და მსოფლიოში ორგანული ჩაის მიმართ ინტერესი სულ უფრო მზარდია, თქვენ წინაშე შესანიშნავი შესაძლებლობები დგას. საქართველოს იდეალური განლაგება კი, საშუალებას გაძლევთ, განავითაროთ ის მიმართულება, რომელსაც ჩვენ „ჩაისა და ტურიზმს“ ვუწოდებთ და ამ მხრივ, თქვენს ქვეყანას უდიდესი პოტენციალი აქვს,“ აღნიშნა იან გიბსმა.

შეხვედრაზე მხარეებმა სამომავლო თანამშრომლობის პერსპექტივები განიხილეს და ქართული ჩაის აღორძინების მიზნით სამოქმედო გეგმაზე იმსჯელეს.