"სახლში ბაბუს ლოგინად ჩავარდნილი შვილი დაგვხვდა, 2 დღის უჭმელები იყვნენ, პენსიასაც ვერ იღებს ნაბიჭვარი შვილი არ მაძლევსო...

სოც.მედია - 12:08, 30 Nov, 2017

9030

სოციალური ქსელის მომხმარებელი ვატუკა ტუტაშვილი ფეისბუქგვერდზე ფოტოს და წერილს აქვეყნებს და საზოგადოების დახმარებას ითხოვს.

"დღეს 8 საათისკენ კეკელიძეზე გზაზე გადადიოდა მოხუცი კაცი, გავუჩერე მანქანა გზაზე გადასვლაში დავეხმარე. გამოველაპარაკე და არაადეკვატურად მესაუბრებოდა, ვთხოვე სახლში აგიყვანთქო თან მეზობელმაც მიმასწავლა სახლი. ქუჩაში ბიჭები მომეხმარნენ და სახლის კარებთან მივიყვანეთ. გასაღები დაკარგული ქონდა და მოგვიწია სამაშველოში დარეკვა. მოვიდნენ კარები გააღეს და სახლში ლევანი ბაბუს ლოგინად ჩავარდნილი შვილი დაგვხვდა. სამაშველომ სახლში შესვლის შემდეგ ბინის დატოვება მოგვთხოვა,რაზეც მოვითხოვეთ ვინმესთან დაგვერეკა,რომ უპატრონოდ არ დაგვეტოვებინა. სამშველო წავიდა,პატრულმაც არ იკადრა სახლში ამოსვლა.სახლში ვიპოვეთ ლევანი ბაბუს შვილის ნომერი, დავურეკეთ, ავუხსენით სიტუაცია და პასუხად გაგვცა-რა თქვენი საქმეაო, ყურადღებას ვაქცევო, რაც საერთოდ არ ეტყობა მდგომარეობას. ორი დღის უჭმელები იყვნენ. წყალი,რომ მოუნდეთ ფიზიკურად ვერ დალევენ,არ შეუძლიათ არც მამას წესიერად გადაადგილება და მითუმეტეს შვილს. პენსიასაც ვერ იღებს ბაბუ, ნაბიჭვარი შვილი არ მაძლევსო. ვის მივმართოთ, როგორ მოვიქცეთ,არავინ არ დაგვაკვალიანა. დავრწმუნდი დღეს პატრულის უმოქმედობაში და უპასუხისმგებლობაში. ვისაც შეგიძლიათ მირჩიეთ როგორ მოვიქცე და რით დავეხმარო ამ ადამიანებს. საცოდაობაა!!!” - წერს ტუტაშვილი.