C ჰეპატიტის პროგრამით კურსი 40 000-ზე მეტმა ადამიანმა გაიარა

C ჰეპატიტის პროგრამით კურსი 40 000-ზე მეტმა ადამიანმა გაიარა - დავით სერგეენკო

პოლიტიკა - 10:42, 30 Nov, 2017

739

ჯანდაცვის მინისტრი დავით სერგეენკო ამბობს, რომ C ჰეპატიტის პროგრამის კურსი 40 000-ზე მეტმა ადამიანმა გაიარა. ამის შესახებ მინისტრმა თბილისში, სასტუმრო "რედისონში" C ჰეპატიტის ელიმინაციის პროგრამის საერთაშორისომრჩეველთა ჯგუფის შეხვედრაზე ისაუბრა.

შეხვედრის მონაწილეებისაქართველოში C ჰეპატიტის ელიმინაციის პროგრამის არსებულმდგომარეობას, პროგრამის შედეგებსა და მიღწევებს, წინა რეკომენდაციებით გათვალისწინებულ მდგომარეობას, ასევე C ჰეპატიტის პრევენციისა და კონტროლისსაკითხებში მიღწეულ პროგრესს და ჯერ კიდევ არსებულ გამოწვევებს განიხილავენ.

„ეს პროექტი საყოველთაო შეფასებით იქნა აღიარებული მსოფლიოში ამ დაავადებასთან ბრძოლის ერთ-ერთ ლიდერ პროგრამად. მას მართლაც განსაკუთრებული მიღწევები აქვს, 40 000-ზე მეტმა ადამიანმა გაიარა ეს კურსი, ანუ თითქმის მესამედმა, ვისაც მკურნალობა სჭირდებოდა. თუმცა არის გამოწვევები და ეს გამოწვევები შეიძლება ჩამოვაყალიბოთ ერთი წინადადადებით, რომ აქამდე მკურნალობას გადიოდნენ ის ადამიანები, ვინც ამ დაავადების შესახებ იცოდა და აქტიურად ცდილობდნენ პროექტში ჩართვას. ახლა, დარჩენილი 110 000 ადამიანიდან 90%-ზე მეტმა არ იცის ამ დაავადების შესახებ, ამიტომ მნიშვნელოვანია მათი დროული დეტექცია. მთელი ქვეყნის მასშტაბით კეთდება უკვე სკრინინგული კვლევები უფასოდ“, - განაცხადა სერგეენკომ.

ჯანდაცვის მსოფლიო ორგანიზაციის რეგიონულმა დირექტორმა ჟუჟანა ჯაკაბმა დადებითი შეაფასება საქართველოში არსებული C ჰეპატიტის ელიმინაციის პროგრამა.

„საქართველოს მიმართ დადებითი შეფასება ამერიკის საელჩომაც გამოთქვა და ჩვენ ძალიან ვამაყობთ, რომ საქართველო შეიძლება აღმოჩნდეს სამაგალითო სხვა ქვეყნებისთვის“, - განაცხადა ჟუჟანა ჯაკაბსმა.