საქართველოს მესამე პრეზიდენტის მიხეილ სააკაშვილის შესაძლო დაკავების ფაქტს უკრაინაში საქართველოს მმართველი გუნდის რიგებში მიესალმებიან. მმართველ გუნდში აცხადებენ, რომ მიხეილ სააკაშვილის ექსტრადირება უნდა მოხდეს და ის ქართული მართლმსაჯულების წინაშე წარდგეს.

„გარდა სამართლებრივი და სახელმწიფო ინტერესისა, არის მსოფლიო პოლიტიკური კონიუქტურა, რომელიც ამ ნიუანსებს ითვალისწინებს. მე მიმაჩნია, რომ როცა სააკაშვილმა უკრაინის საზღვარი გადაკვეთა, რა ფორმითაც გადაკვეთა ესეც სისხლის სამართლის დანაშაულია. სახელმწიფო, რომელსაც არ შეუძლია ასეთ გამოწვევებს სწორად და მყარად გაუმკლავდეს, იმას სამხედრო გამოწვევებთან გამკლავებაც გაუჭირდება,“-აცხადებს გედევან ფოფხაძე.