საქართველოს მესამე პრეზიდენტი მიხეილ სააკაშვილი აცხადებს, რომ ვანო მერაბიშვილის საქმესთან დაკავშირებით ევროპის სასამართლოს გადაწვეტილება ადასტურებს, რომ საქართველოში პოლიტიკური დევნა ხორციელდება, რაც მის ექსტრდაციას შეუძლებელს ხდის.

"ადამიანის უფლებათა ევროპის სასამართლოს გადაწყვეტილების თაახმად, ჩემი უახლოესი თანამებრძოლისა და საქართველოს პრემიერ-მინისტრის ვანო მერაბიშვილის მრავალწლიანი დაკავების მთავარი მიზანი ჩემი საბანკო ანგარიშების შესახებ ინფორმაციის გაგება იყო. ოლიგარქი ივანიშვილი ვერ იჯერებს, რომ მე არაფერი მომიპარია, სწორედ ამის გამო აწამებენ უდანაშაულო ადამიანს ამდენი წელია.

დღეს ჩემი იურისტები იუსტიციის სამინისტროში შეიტანენ შუამდგომლობას იმის შესახებ, რომ ევროსასამართლოს ამ გადაწყვეტილებიდან გამომდინარე და პოლიტიკური დევნის მოცემული ფაქტიდან გამომდინარე, ჩემი საქართველოში ექსტრადაცია პრინციპში შეუძლებელია," - წერს მიხეილ სააკაშვილი თავის ფეისბუქ გვერდზე.