პარიზში აღმასრულებელთა საერთაშორისო კონფერენცია გაიმართა

პოლიტიკა - 12:05, 29 Nov, 2017

1184

მიმდინარე წლის 23-24 ნოემბერს საფრანგეთის რესპუბლიკაში, ქალაქ პარიზში აღმასრულებელთა საერთაშორისო ასოციაციის (UIHJ) კონფერენცია გაიმართა, რომელშიც მონაწილეობას ასოციაციის წევრი სახელმწიფოების სააღსრულებო უწყებების დელეგატები მონაწილეობდნენ. საერთაშორისო კონფერენციას საქართველოს სახელით იუსტიციის სამინისტროს სსიპ აღსრულების ეროვნული ბიუროს წარმომადგენლები დაესწრნენ.

კონფერენციაზე ორგანიზაციის წლიური საქმიანობა და მომავალი წლის ძირითადი გეგმები განიხილეს.

ორდღიანი სამუშაო ვიზიტის ფარგლებში, აღსრულების ეროვნული ბიუროს წარმომადგენლები პარტნიორი ორგანიზაციების ხელმძღვანელებს შეხვდნენ, სადაც სხვადასხვა ქვეყნების აღსრულების უწყებებს შორის თანამშრომლობის გაღრმავების პერსპექტივები და საუკეთესო პრაქტიკის გაცვლის საკითხი განიხილებოდა.

კონფერენციის ფარგლებში, საფრანგეთის დედაქალაქში, კერძო შეხვედრა მოაწყვეს ქართულმა და სომხურმა დელეგაციებმა.

აღსრულების ეროვნული ბიუროს თავმჯდომარის მოადგილე, მირიან ხარაბაძე და სომხეთის იძულებითი აღსრულების სამსახურის უფროსი არმენ ჰარუთინიანი ქართული და სომხური სააღსრულებო უწყებების გამოცდილების გაზიარების მიზნით ურთიერთთანამშრომლობის მემორანდუმის გაფორმებაზე შეთანხმდნენ.

მხარეებს შორის, საქმიანი შეხვედრა მიმდინარე წლის დეკემბრის ბოლო რიცხვებში თბილისში გაიმართება, სადაც მხარეები თანამშრომლობის მემორანდუმს გააფორმებენ.