მოსკოვი საქართველოსა და ნატოს წევრ ქვეყნებს შორის სამხედრო თანამშრომლობის გაღრმავების გამო შეშფოთებას კიდევ ერთხელ გამოთქვამს. ლავროვის უწყება აღნიშნულის შესახებ განცხადებას ავრცელებს:

„28 ნოემბერს რუსეთის საგარეო საქმეთა მინისტრის მოადგილემ გრიგორი კარასინმა მიიღო ჟენევის მოლაპარაკებების თანათავმჯდომარეები უსაფრთხოებისა და სტაბილურობის საკითხებში, გაეროს წარმომადგენელი ა.ტურუნენი, ეუთოს სპეციალური წარმომადგენელი ბეხლერი და ევროკავშირის სპეციალური წარმომადგენელი სამხრეთ კავკასიის საკითხებში ტ.კლაარი.

მხარეებმა გაცვალეს მოსაზრებები კავკასიაში არსებულ უსაფრთხოების საკითხებთან მიმართებით, აფხაზეთისა და სამხრეთ ოსეთის სახელმწიფო საზღვრების მოწყობის შესახებ საქართველოსთან, ასევე ჟენევის მოლაპარაკებების შემდგომი რაუნდის მზადებაზე ისაუბრეს, რომელიც 12-13 დეკემბერს უნდა გაიმართოს.

რუსულმა მხარემ წარმომადგენლებს შესაბამისი რეაგირებისკენ მოუწოდა, ქალაქ კილმარნოკში აფხაზი ჯარისკაცების ძეგლის დემონტაჟთან მიმართებით. ეს აქცია ორგანიზებული იყო თბილისის ზეწოლით და ძალიან მტკივნეულად აღიქვეს აფხაზეთში, სადაც პატივს სცემენ ტრაგიკულ მოვლენებს რომელიც 1992-93 წლებში განვითარდა. ასეთი „ქულების“ დაწერით საქართველო დიალოგს შლის და რეგიონში არსებული სიტუაცია ჩიხში შეჰყავს.

რუსულმა მხარემ კვლავ გააკეთა აქცენტი იმ საშიშროებაზე, რომელსაც თბილისის მხრიდან ნატო-ს წევრ ქვეყნებთან სამხედრო ურთიერთობა ქმნის. ცოტა ხნის წინ, აშშ-ის სახელმწიფო დეპარტამენტმა და პენტაგონმა დაამტკიცა შეთანხმება თბილისისთვის რაკეტსაწინააღმდეგო სისტემების „ჯაველინების“ მიწოდების შესახებ. ეს 2008 წლის შემდეგ ამ მასშტაბის პირველი სამხედრო შეთანმხებაა ამერიკის შეერთებულ შტატებთან. ამასთანავე, აშშ-მ შეცვალა თავისი პროგრამა ქართველი ჯარისკაცების სწავლების კუთხით საბრძოლო ერთეულების მომზადებით. ამერიკის დახმარებით საქართველოს ტერიტორიაზე ახალი სამხედრო-სასწავლო ცენტრის მშენებლობა იგეგმება.

რუსეთი ასეთ მასშტაბურ სამხედრო მხარდაჭერას აღიქვამს, როგორც თბილისისთვის ბიძგის მიმცემს ახალი საშიში ავანტურისკენ რეგიონში.

შეხვედრის მონაწილეებმა მზადყოფნა გამოთქვეს ხელი შეუწყონ ჟენევის ფორმატის დეპოლიტიზირებას, კონკრეტულ რეზულტატზე გასვლის მიზნით, პირველ რიგში უსაფრთხოების სფეროში“, - ნათქვამია რუსეთის საგარეო საქმეთა სამინისტროს განცხადებაში.