"მერაბიშვილის პოლიტიკური პატიმრობა დამტკიცდა, ხელისუფლებამ ის დაუყოვნებლივ უნდა გაათვაისუფლოს"- ოთარ კახიძე

პოლიტიკა - 15:13, 28 Nov, 2017

1925

ვანო მერაბიშვილის საქმეზე სტრასბურგის სასამართლოს გადაწყვეტილებას გამარჯვებას უწოდებს ყოფილი პრემიერის უფლებადამცველი და "ევროპულ საქართველოს" ერთ-ერთი ლიდერი ოთარ კახიძე.

მისი თქმით, მე-18 მუხლის დარღვევის დადგენით, დამტკიცდა რომ მერაბიშვილი უკანონო პატიმრია და ის ხელისუფლებამ დაუყოვნებლივ უნდა გაათავისუფლოს.

„მინდა მოგაწოდოთ ძალიან მნიშვნელოვანი ინფორმაცია, ადამიანის უფლებათა სასამართლოდ დიდმა პალატამ ძალაში დატოვა მანამდე სექციის მიერ მიღებული გადაწყვეტილება ვანო მერაბიშვილის საქმეზე. მოვიგეთ საქმე, რომელიც ეხება ვანო მერაბიშვილის პოლიტიკურ პატიმრად ცნობას.

სასამართლომ ძალაში დატოვა მე-18 მუხლის დარღვევა, მუხლი, რომელითაც ცნობილი პოლიტიკური პატიმრების იულია ტიმოშენოკოსა და იური ლუცენკოს საქმეები იყო წარდგენილი სტრასბურგის სასამართლოში.

მივმართავ საქართველოს ხელისუფლებას, თუ სურთ, რომ მოახდინონ ზიანის მინიმიზება, რომელიც მიადგება ჩვენი ქვეყნის იმიჯს ამ უპასუხისმგებლო გადაწყვეტილებით, რაც მათ მიიღეს მერაბიშილის დაპატიმრებით, თუ სურთ ამ ზიანის გამოსწორება, დაუყონებლივ მიიღონ გადაწყვეტილება ვანო მერაბიშვილის გათავისუფლების თაობაზე.

დიდი პალატის გადაწყვეტილება აღარ საჩივრდება, ეს არის საბოლოო ინსტაცია, მინდა ვისურვო, რომ ეს იქნება გაკვეთილი ხელისუფლებისთვის საქართველოში უნდა დასრულდეს პოლიტიკური დევნა, უნდა გათავისუფლდეს როგორც ვანო მერაბიშვილი, ისე სხვა პოლიტიკური პატიმრები. იკვეთება ევროპული კონვენციის დარღვევის ნიშნები“,-განაცხადა ოთარ კახიძემ.

ევროპის ადამიანის უფლებათა ევროპულმა სასამართლომ, შს ყოფილ მინისტრ ვანო მერაბიშვილთან დაკავშირებით მე-18 მუხლის დარღვევა დაადგინა.