საქართველოს პარლამენტის იურიდიულ საკითხთა კომიტეტის თავმჯდომარე ეკა ბესელია თბილიში ჩატარებულ ანტიტერორისტულ ოპერაციაზე გამოძების დასრულებას ელოდება. ბესელიას განცხადებით, შესაძლოა, ახმედ ჩატაევის თემასთან მიმართებით, პასუხისმგებლობის საკითხები „შორს მოიძებნოს“ და „არ უნდა გაკეთდეს შეფასებები ბოლოდან“.

„ვიდრე ვინმე თავს ბრალდებების უფლებას მისცემს, ცოტა მეტი მოთმინება უნდა ვიქონიოთ, უნდა დაველოდოთ გამოძიების შედეგებს, ეს არის ის წესი, რომელსაც ყველა ქვეყანაში ყველა იცავს და მათ შორის მედიაც. რაც შეეხება იმას, თუ ვინ უნდა აიღოს პასუხისმგებლობა, ნუ იჩქარებთ, შეიძლება პასუხისმგებლობის საკითხები ცოტა უფრო შორს ვეძებოთ და ნუ დავიწყებთ შეფასებების გაკეთებას ბოლოდან, ყველაფერს აქვს საწყისი და სათავე. შევეცდები, რომ ინფორმაციები, რომელსაც ველოდებით და ვიღებთ პერიოდულად, მოგაწოდოთ, რათა კარგად დავინახოთ, ვისი პასუხისმგებლობა უნდა დადგეს იმ შემთხვევაში, თუკი დადასტურდება ის გვარები, რომელიც სახელდება. ზედმეტი სიჩქარე უფრო მეტ ეჭვს ბადებს იმ ადამიანების მიმართ, ვინც ასეთივე უსაფუძვლო ბრალდებით გამოდიან”, - განაცხადა ეკა ბესელიამ.