"ერთობლივი ძალისხმევით შევძლებთ, დავძლიოთ გამოწვევები და უზრუნველვყოთ ორი მეგობარი ერის მშვიდობიანი განვითარება"- პრემიერი

პოლიტიკა - 13:38, 27 Nov, 2017

1035

საქართველოს პრემიერ-მინისტრმა უკრაინელ კოლეგასთან შეხვედრის შემდეგ იმ საერთო მისწრაფებებზე ისაუბრა, რომელიც ამ ორ ქვეყანას აქვს. გიორგი კვირიკაშვილმა უკრაინის და საქართველოს ურთიერთობების შემდგომი გაღრმავებას პერსპექტივას გაუსვა ხაზი და აღნიშნა, რომ ერთობლივი ძალისხმევით საქართველო და უკრაინა შეძლებენ გამოწვევების დაძლევას და ორი მეგობარი ერის მშვიდობიანი განვითარების და კეთილდღეობის უზრუნველვყოფას:

„სულ რაღაც სამიოდე დღის წინ, ჩვენმა ქვეყნებმა მონაწილეობა მიიღეს „აღმოსავლეთ პარტნიორობის“ სამიტში. ევროკავშირის წევრ ქვეყნებთან ერთად მივიღეთ მომავალზე და ამავდროულად პრაქტიკულ შედეგებზე ორიენტირებული დეკლარაცია, რათა თითოეულმა ჩვენმა მოქალაქემ ევროკავშირთან დაახლოების პროცესისგან კონკრეტული სარგებელი მიიღოს.

ჩვენს ქვეყნებს ერთი მიზანი აერთიანებს, გავხდეთ ევროპული და ევროატლანტიკური სივრცის სრულფასოვანი წევრები. საქართველო მზად არის გადადგას შემდგომი, გაცილებით უფრო აქტიური ნაბიჯები - მზად ვართ განვახორციელოთ ძალიან კომპლექსური და ამბიციური რეფორმების გეგმა, რაც საბოლოოდ ჩვენს მიზანთან მიგვიყვანს.

დასასრულს, მსურს ხაზგასმით აღვნიშნო, რომ ჩვენი ურთიერთობების შემდგომ გაღრმავებას აქვს უზარმაზარი პერსპექტივა და ერთობლივი ძალისხმევით შევძლებთ, დავძლიოთ საქართველოსა და უკრაინის წინაშე მდგარი გამოწვევები და უზრუნველვყოთ ორი მეგობარი ერის მშვიდობიანი განვითარება და კეთილდღეობა.“- განაცხადა პრემიერმა.