პასუხი უნდა გაეცეს კითხვას, თუ როგორ მოხვდა, თუნდაც ჩატაევი საქართველოს ტერიტორიაზე

პასუხი უნდა გაეცეს კითხვას, თუ როგორ მოხვდა, თუნდაც ჩატაევი საქართველოს ტერიტორიაზე - ნანუშვილი

პოლიტიკა - 11:49, 27 Nov, 2017

1157

სახალხო დამცველის უჩა ნანუაშვილის განმარტებით, გამოძიებამ ყველა იმ კითხვას უნდა გასცეს პასუხი, რომელიც ბერი გაბრიელ სალოსის ქუჩაზე ჩატარებულ სპეცოპერაციასთან დაკავშირებით წარმოიშვა.

"თუ როგორ მოხვდა, თუნდაც, ჩატაევი საქართველოს ტერიტორიაზე. ეს კითხვები რა თქმა უნდა, არსებობს და იმედი მაქვს, უახლოეს დღეებში საზოგადოებას უფრო დეტალური ინფორმაცია წარედგინება ხელისუფლების შესაბამისი ორგანოების მხრიდან," - აღნიშნა ნანუაშვილმა.

მისივე ინფორმაციით, ახმედ ჩატაევს ტერორიზმში ბრალი ბოლო ორი წლის განმავლობაში წაუყენეს.
„ტერორიზმში ბრალი ახმედ ჩატაევს ბოლო ორი წლის განმავლობაში წაუყენეს, ის უკვე ორი წელია, რაც ტერორისტთა სიაშია. შესაბამისად, მანამდე მის საქმიანობაში არ ყოფილა რაიმე დამადასტურებელი, რომ კავშირში იმყოფებოდა ტერორისტებთან, პირიქით, ადამიანის უფლებათა ევროპული სასამართლო იცავდა მას რამდენჯერმე. ასევე ავსტრიის ხელისუფლებამ მას ლტოლვილის სტატუსი მისცა და შეიძლება ითქვას, რომ შესაბამისი ინფორმაცია, რომ მას რაიმე კავშირი ჰქონდა ტერორიზმთან, მანამდე არ არსებობდა. აქედან გამომდინარე, ნებისმიერი უფლებადამცველის დამოკიდებულება უნდა იყოს მსგავსი, რომ უნდა დაიცვას ნებისმიერი ადამიანი, მითუმეტეს, რომ საუბარი იყო სხვა სახის დარღვევებზე. როგორც იცით, მას ბრალი არ დაუდასტურდა და საბოლოო ჯამში, გამამართლებელი განაჩენი დადგა“, - განაცხადა ნანუაშვილმა.