,,მაღალი ინტელექტის და ერუდიციის მქონე“ - თეოლოგები მეუფე შიოს რუსეთთან დაკავშირებას არასწორად მიიჩნევენ

პოლიტიკა - 00:01, 26 Nov, 2017

7722

მეუფე შიოს მოსაყდრედ დანიშვნას აფასებენ თეოლოგები. ლევან აბაშიძე ფიქრობს, რომ ეს მოულოდელობა გამოწვეული იყო იმ მდგომარეობის განმუხტვით, რომელიც საპატრიარქოშია, მისივე სიტყვებით, ამას დიდი დაპირისპირება არ მოჰყვება და ყველა შეეგუება პატრიარქის გადაწყვეტილებას.

„ცხადია, იქნებიან ისეთი ძალები, რომლებიც იქნებიან მის წინააღმდეგ. ამას, რასაკვირველია, ჩვენ მოველოდით, იტყოდნენ, რომ, ვთქვათ, რუსეთისგან არის მართული პროცესები, ამას ხშირად ამბობენ... მე პირადად ვემხრობი იმ ვერსიას, რომ მიტროპოლიტი შიო სწორედ იმიტომ დაასახელა პატრიარქმა, რომ, ჯერ ერთი, განემუხტა ის დამუხტული მდგომარეობა, რომელიც იყო და მეორე, თვით მიტროპოლიტ შიოს პირადი დადებითი თვისებების გამო,“ - განაცხადა ლევან აბაშიძემ ,,განსხვავებულ აქცენტებში“.

თეოლოგი ლადო ნარსია მიიჩნევს, რომ ეს გადაწყვეტილება პატრიარქის მხრიდან სრულიად ლეგიტიმურია, გამომდინარე თუნდაც მისი ჯანმრთელობის მდგომარეობიდან გამომდინარე, რომელიც დღითიდღე უარესდება.

რაც შეეხება მეუფე შიოს რუსეთთან შესაძლო კავშირებს, თეოლოგი მიზანშეწონილად არ მიიჩნევს ამ ტიპის საუბრებს - მისი მოსაყდრის დანიშნვის დღიდან, მორალური უფლება არ მივეცი საკუთარ თავს, პირველსავე დღეებში მელაპარაკა იმაზე, თუ როგორ უკავშირდება რუსეთის ინტერესებს და საიდუმლო სამსახურებს, ეს არც ახლა მიმაჩნია სწორად“ - აღნიშნავს ნარსია

რაც შეეხება თავად მეუფე შიოს, მას მაღალი ინტელექტის მქონე ადამიანად მიიჩნევს.

"ძალიან გამიჭირდება მეუფე შიოს ინტელექტის, ერუდიციის, გემოვნების მქონე ადამიანის აფილირება ისეთ ჯგუფთან, რომელიც არის ოდიოზური და მეუფე იაკობი სწორედ ამგვარ ჯგუფში არის გაერთიანებული," - განაცხადა ლადო ნარსიამ ,,განსხვავებულ აქცენტებში“.