"უნდა დაველოდოთ გამოძიებას, რომელიც უნდა იყოს ძალიან ობიექტური და ძალიან სწრაფი"- შსს მინისტრი

პოლიტიკა - 03:00, 25 Nov, 2017

1322

შინაგან საქმეთა მინისტრი გიორგი გახარია ბათუმში ჩასვლის და სასტუმრო "ლეო გრანდთან" ვითარების გაცნობის შემდეგ აღნიშნავს, რომ სბოლო მონაცემებით, გარდაცვლილია 11 და დაშვებულია 19 პირი.

მინისტრის თქმით, საქმე გადაკვალიფიცირებულია და უნდა დაველოდოთ საქმის გამოძიებას.

"ამ დროისათვის დადასტურებულად შემიძლია გითხრათ, რომ არის 11 გარდაცვლილი და სამძიმარი მინდა ვუთხრა მათ ოჯახებს. გვყავს 19 დაშავებული პირი, სხვადასხვა სამედიცინო დაწესებულებებში მაგრამ მათი მდგომარეობა არის დამაიმედებელი. მეხანძრე- მაშველები დადიან და ახორციელებენ კონტროლს, რომ არ მოხდეს რაიმე ეჭვიც კი, რომ იქ ადამიანებიც კი იმყოფებოდნენ. ეს კონტორლი სრულად 2 საათში დარულდება. ხანძრის კერა იყო მეოთხე სართულზე და ხალხი იყო ბლოკირებული მეშვიდე სართულზე. ბოლო მონაცემებით, გადარჩენილია 100-მდე ადამიანი.

საქმე გადაკვალიფიცირდა 243-ე მუხლით რაც ნიშნავს სახანძრო უსაფრთხოების ნორმების უხეშ დარღვევას. უნდა დაველოდოთ გამოძიებას, რომელიც უნდა იყოს ძალიან ობიექტური და ძალიან სწრაფი. ეს არის ყველაზე მნიშვნელოვანი ჩვენი ამოცანა. ეხლა დადასტურებულად გვაქვს ინფორმაცია 11 დაღუპულის შესახებ. საბოლოო ინფორმაცია გახდება ცნობილი მას შემდეგ რაც მეორადი დათვალიერება გასრულდება შენობის,“-აცხადებს გახარია.