,,პრიმა აუდიტის“ ჩაფარცხული ,,შავი საქმეები“ - ,,კახა კალაძე 120 000 ლარს წყალში ყრის“

პოლიტიკა - 14:25, 24 Nov, 2017

6830

„ახალი საქართველოს“ სოციალური სამსახურის ხელმძღვანელი, კახა კალაძეს მიმართავს. თეონა ჭალიძის განცახდებით, დედაქალაქის მერიაში აუდიტის ჩასატარებლად გამოცხადებული ტენდერი არის მიკერძოებული.

„როგორც ვვარაუდობდით, თბილისის მერიის მიერ სსიპ-ებისა და ააიპ-ების აუდიტორიული შემოწმების მიზნით გამოცხადებულ ტენდერში, ყველაზე დაბალი ფასი დააფიქსირა შპს „პრიმა აუდიტმა“. აღნიშნული კომპანიის 100 პროცენტიანი წილის მფლობელია მურად ნარსია, რომელიც პირდაპირ ასოცირდება „ქართულ ოცნებასთან“ დაკავშირებული პროექტების, სსიპ-ებსა და ააიპ-ების მუშობისას ე.წ „შავი საქმეების“ ჩაფარცხვაში. ეს ადამიანი 2016 წლის დასაწყისში გახდა ააიპ „ევროპის ახალგაზრდული ოლიმპიური ფესტივალი საორგანიზაციო კომიტეტის“ თავმჯდომარე. ყველას კარგად გვახსოვს ამ ააიპ-ის მუშაობასთან დაკავშირებული სკანდალები და სახელმწიფო აუდიტის მიერ დადებული ხმაურიანი დასკვნა. სწორედ მურად ნარსია იყო დაკავებული ამ თემასთან დაკავშირებით გაჩენილი ე.წ. „შვი ხვრელების“ ამოვსებით.

თბილისის მერია 120 000-ზე მეტ ლარს გამოყოფს ამ აუდიტორული შემოწმებისთვის, რაც წყალში გადაყრილი ფულია. ამ ყველაფრიდან გამომდინარე, ჩნდება კითხვები, რამდენად საფუძვლიანად და ობიექტურად მოხდება თბილისის მერიის აუდიტი. მსგავსი ტენდერები 2017 წლის სექტემბერშიც იყო გამოცხადებული , თუმცა ოთხივე მათგანი ჩაიშალა. ახალი ტენდერი, კი თავიდან ბოლომდე მორგებულია შპს “პრიმა აუდიტზე“ ეს კიდევ დამატებით კითხვებს აჩენს.

მივმართავ დედაქალაქის მერს, ეს ტენდერი გამოცხადდეს ჩაშლილად. იმ შემთხვევაში, თუ კახა კალაძე აუდიტის ჩატარების აუცილებლობას ხედავს, საჭიროა გამოცხადდეს ხელახალი ტენდერი და კომპანია, რომელიც აუდიტს განახორციელებს, შეირჩეს ობიექტური, ჯანსაღი კონკურენციის პირობებში“- განაცხადა თეონა ჭალიძემ.