,,გვამებით ვაჭრობით მოხვედით ხელისუფლებაში, ტერორისტი გაუშვით 5000-ლარიანი გირაოთი“

,,გვამებით ვაჭრობით მოხვედით ხელისუფლებაში, ტერორისტი გაუშვით 5000-ლარიანი გირაოთი“ - ბიბილაშვილი თალაკვაძეს

პოლიტიკა - 01:07, 23 Nov, 2017

11186

გადაცემა „არჩევანში" სიტყვიერად ერთმანეთს „ნაციონალური მოძრაობის“ წევრი ზაზა ბიბილაშვილი და „ქართული ოცნების“ წარმომადგენელი, არჩილ თალაკვაძე დაუპირისპირდნენ. მმართველი გუნდის წევრმა ოპოზიცია პოლიტიკურ სპეკულაციებში დაადანაშაულა და წარსული გაუხსენა.

„ტერორისტულ თამაშებში თქვენ იყავით შემჩნეული და თქვენ ხალხმა პოლიტიკური ველიდან გაგაძევათ. ტერაქტებით რომ ცდილობთ დღის წესრიგის აწყობას იმიტომ წააგეთ არჩევნები და იმიტომ წააგებთ მომავალში არჩევნებს,“- აღნიშნა თალაკვაძემ.

ზაზა ბიბილაშვილმა აღნიშნა, რომ ეს არის ხელისუფლება, რომელმაც პოლიციელის მკვლელი პოლიტპატიმრად გაუშვა. ,,ნაციონალური მოძრაობის" წევრმა მმართველი პარტიის ერთერთ ლიდერს შეახსენა, რომ ,,ქართული ოცნების" ხელისუფლების პირობებში ტერორიზმში ბრალდებული 5000-ლარიანი გირაოთი იქნა გაშვებული.

„ეს არის უტიფრობა, პოლიციელის მკვლელი თქვენ გაუშვით პოლიტპატიმრად. ამათი პრემიერი ჩვენ გვდებდა ბრალს ტერაქტის მოწყობაში. გვამებით ვაჭრობით მოხვედით ხელისუფლებაში,“- მიმართა „ნაციონალური მოძრაობის“ წევრმა, ზაზა ბიბილაშვილმა არჩილ თალაკვაძეს.