,,სახეზეა შსს და სუსის სრული იმპოტენცია... 20 საათია ყოველ წუთს ნადგურდება ქართული სახელმწიფოს სახელი და პრესტიჟი"

პოლიტიკა - 15:21, 22 Nov, 2017

7927

გაბრიელ სალოსის ქუჩაზე მიმდინარე სპეცოპერაციას „ნაციონალური მოძრაობის“ წევრი ნუგზარ წიკლაური ეხმაურება, მისი თქმით, განვითარებილი პროცესები აჩვენებს, რამდენად დაუცველია ქვეყანა:

„კატასტროფაა.

სახეზეა დაზვერვის ჩავარდნა, სახეზეა დაგეგმვის ჩავარდნა, სახეზეა შსს და სუსის სრული იმპოტენცია.

20 საათია, რაც მთელი მსოფლიო პირდაპირ ეთერში უყურებს საქართველოს სახელმწიფოს ასეულობით სპეცრაზმელის და ერთ ბინაში შეკეტილი ორი (!!!) ადამიანის ბრძოლას.

20 საათია ყველანი ვხედავთ ჯავშნიანი მანქანებით, კობრებით, ტყვიამფრქვევებით, ყუმბარმტყორცნებით, ცრემლსადენი გაზებით შეიარაღებული რაზმების უშედეგო შეტევას....

20 საათია ყოველ წუთს ნადგურდება ქართული სახელმწიფოს სახელი და პრესტიჟი; ნადგურდება ნდობა სახელმწიფო ინსტიტუტების მიმართ.

წარმოდგენაც კი შეგზარავს, რა შეიძლება მოხდეს, თუკი რომელიმე სერიოზული დივერსიული ჯგუფი გადაწყვეტს ქვეყნის დესტაბილიზაციას.

დაუცველია ქვეყანა, დაუცველია მოსახლეობა და ამ მდგომარეობაზე პასუხისმგებლობა ეკისრება მხოლოდ და მხოლოდ საქართველოს მთავრობას.“- წერს ნუგზარ წიკლაური ფეისბუკზე.