"ვინ არიან არ ვიცი"- რას აცხადებენ ბინის მეპატრონეები, სადაც სპეცოპერაცია მიმდინარეობს

პოლიტიკა - 14:39, 22 Nov, 2017

4112

ბინის ფანჯრები, სადაც სავარაუდოდ ტერორისტული ჯგუფის წევრები ცხოვრობენ აფეთქების შედეგად ჩამსხვრეულია, ბინიდან კვამლი გამოდის. აღნიშნული ბინა კორპუსის მეორე სართულზე მდებარეობს. მისი გაქირავება რამდენიმე თვის წინ მოხდა. გავრცელებული ინფორმაციით მისი ოფიციალური მფლობელი მერი ხანგოშვილია.

„ჩემი სახლი არ არის, ჩემზეა გაფორმებული, მაგრამ ბინის მეპატრონე არის თინა გაურგაშვილი, არის 6 წლის წინ წასული. არაფერი არ ვიცი, არ ვიცი ვინ ცხოვრობდა, ვინ გააქირავა და რა ხდება აზრზე არ ვარ. თავისი შვილი იქნებოდა. შვილი არ გაუშვეს, დააბრუნეს თურქეთიდან და ალბათ ის იქნებოდა, არ ვიცი... ჩვენებურები ცხოვრობდნენ ორი წელი, დიდი ოჯახი ცხოვრობდა ცოლ-შვილით, მერე კიდევ სხვა ოჯახი ცხოვრობდა, რამდენადაც ვიცი, ის ბინა მარტიდან არის დაცლილი"- განაცხადა მერი ხანგოშვილმა რუსთავი2-თან.

ინფორმაცია ბინის გაქირავების შესახებ არ გააჩნია ასლანბეგ ჯაბრაილოვის მეუღლე მარიამ ჯაბრაილოვასაც. გავრცელებული ინფორმაციით ასლანბეგ ჯაბრაილოვი ასევე ბინის მესაკუთრედ სახელდება და ის ამჟამად დუისის პოლიციის განყოფილებაში დაკითხვაზე იმყოფება:

„ მე არაფერი არ ვიცი, მე დედაჩემთან ვარ წამოსული, ჩემმა ქმარმა გააქირავა თუ არა არ ვიცი, მე როგორც ვიცი არავინ ცხოვრობდა. ვინ არიან არ ვიცი. ჩემი მეუღლე ახმეტაში მუშაობს.“- განაცხადა ასლანბეგ ჯაბრაილოვის მეუღლემ, მარიამ ჯაბრაილოვამ