გიორგი მარგველაშვილმა გადაცემა „რეაქციაში“ პატიმრების შეწყალების თემაზე ისაუბრა. პრეზიდენტს ყოფილი პრემიერ-მინისტრის ვანო მერაბიშვილისა და ციანიდის საქმეზე მსჯავრდებული დეკანოზის გიორგი მამალაძის შეწყალებაზე დაუსვეს შეკითხვა.

გიორგი მარგველაშვილის თქმით, ის ვანო მერაბიშვილის შეწყალების საფუძველს ვერ ხედავს.

„მე ვერ ვხედავ საფუძველს, რომ დღეს ვანო მერაბიშვილი შევიწყალო.“- განაცხადა გიორგი მარგველაშვილმა.

რაც შეეხება დეკანოზ გიორგი მამალაძეს, პრეზიდენტის თქმით მისთვის ამ საკითხზე არავის მიუმართავს. მიმართვის შემთხვევაში კი ის ამ საკითხს განიხილავს.

გიორგი მარგველაშვილმა „ციანიდის საქმეს“ დიდი გაუგებრობა უწოდა და განაცხადა, რომ საჭიროა ამ საქმეზე მეტი ინფორმაცია გახდეს ცნობილი.