გიორგი მარგველაშვილის თქმით „ქართულ ოცნებას“ ვერ გრძნობს, რომ ხელისუფლების ყველა შტოს ერთი ძალის ხელში კონსოლიდაცია დემოკრატიისთვის ცუდია. მარგველაშვილის თქმით მისი გადაწყვეტილება მომავალი პოლიტიკური ცხოვრების გაგრძელებაზე არც მმართველი გუნდის ამ პოზიციაზე იქნება დამოკიდებული და არც იმაზე, თუ რამდენად მხარდაჭერილი იქნება ეს პროცესი ოპოზიციისგან.

„არასდროს არ ვყოფილვარ არცერთი ელიტის წევრი, ჩემი გულისთქმა და ემოცია არ იყო იმაზე დამოკიდებული თუ რას ფიქრობს ელიტა. როცა გადაწყვეტილებას მივიღებ ეს არ იქნება, რომელიმე ელიტის მოსაზრებაზე დაფუძნებული“- განაცხადა გიორგი მარგველაშვილმა.
გიორგი მარგველაშვილის თქმით ის არ გამორიცხავს, რომ პრეზიდენტობაზე კენჭი მომავალ არჩევნებზეც იყაროს.