ივანიშვილის 1 მილიარდი ქუთაისის უნივერისტეტში - ,,ტყუილი, რომელიც ხალხის დაბრმავებას ემსახურება"

პოლიტიკა - 18:29, 21 Nov, 2017

11926

ხელისუფლების ახალ პროექტთან დაკავშირებით, რომელიც ქუთაისის საუნივრსიტეტო ქალაქის მშენებლობას ეხება, სოციალური ქსელით გავრცელდა ინფორმაცია, რომ უნივერისტეტი ბიძინა ივანიშვილმა 1 მილიარდი ევროთი დააფინანსა და ის 60 ათას სტუდენტზეა გათვლილი.

აღნიშნულთან დაკავშირებით „ნიუპოსტი“ საქართველოს განათლებისა და მეცნიერების ყოფილ მინისტრს დიმიტრი შაშკინს ესაუბრა, რომელმაც დეტალურად განმარტა, რომ საქართველოს სტუდენტების რაოდენობაც არ ჰყავს იმდენი რამდენიც დასახელებულია პროექტში.

განათლების ყოფილი მინისტრი, მთავრობას დაგეგმილ და განუხორცილებულ პროექტებს ახსენებს. მითი თქმით, ქუთაისის უნივერისტეტის აშენება ხელისუფლების მორიგი ტყულია, რომელიც ხალხის დაბრმავებას ემსახურება.

„21-ე საუკუნე არის ინფორმაციის საუკუნე და ახლა ყველას აქვს შესაძლებლობა გადაამოწმოს ინფორმაციების სიზუზტე, მაგრამ ყველა ადამიანს არ აქვს ამის საშუალება და დაიჯერა, რომ აშენდება ქუთაისის ტექნოლოგიური უნივერსიტეტი. მე პირადად, ამის არ მჯერა.

პირველი და მნიშვნელოვანი არის ის, რომ 5 წელი გავიდა, რაც დაიხურა და გაპარტახდა ბათუმის ტექნოლოგიური უნივერსიტეტი. ეს იყო მიხეილ სააკაშვილის ინიციატივით შექმნილი, რომლითაც ის ამაყობდა და რომელშიც გამზადებული იყო უკვე შესაბამისი საუნივერსიტეტო ლაბორატორიები. ამის შემდეგ ქართულ საზოგადოებას დაპირდნენ, რომ ტექნოლოგიური უნივერსიტეტს ააშენებდნენ იპოდრომზე. გავიდა ისევ რამდენეიმე წელი და განადგურდა ტერიტორია და იქ ახლა მხოლოდ კორპუსები შენდება. ამის შემდეგ კი, ორი წელი გადის და გვეუბნებიან, რომ უნდა აშენდეს ქუთაისის ტექნოლოგიური უნივერსიტეტი და იმ ადგილას მხოლოდ ბაყაყები ცხოვრობენ და მრავლდებიან.

მეორე მიზეზი თუ რატომ არ მჯერა ამ პროექტის განხორციელების, არის ის, რომ ხელისუფლება მანიპულირებს ციფრებით. საქართველოში ამჟამად არის 100 000 სტუდენტი, ძირითადი მათი ნაწილი კი თბილისშია. თსუ, სახელმწიფო ტექნიკური უნივერსიტეტი, ილიას სახელმწიფო უნივერსიტეტი და სამედიცინო უნივერსიტეტები, სადაც ისინი სწავლობენ და მათი რაოდენობა შედგენს 100 000-ს, მე შეკითხვა მაქვს - როგორ უნდა მოხდეს 60 000 სტუდენტის წაყვანა ქუთაისში? ანუ რა გამოდის ეს სახელმწიფო უნივერსიტეტები უნდა დავხუროთ? ამდენი სტუდენტი არ გვყავს, რამდენიც აღნიშნულია ამ პროექტში.

რაც შეეხება მესამე მიზეზს, პროფესურა საიდან უნდა მოიყვანონ? დეპუტატები წუწუნებენ, რომ არ უნდათ ქუთაისში ცხოვრება. ათასობით პროფესორი როგორ უნდა წაიყვანოთ იქ? მაგრამ ამასაც რომ თავი დავანებოთ, 1 000 000 000 €-ზეა საუბარი. ეს რომ სიმართლეს შეესაბამებოდეს, ჩვენი მთელი მთავრობა იქ ატუზული იქნებოდა, რადგან ამხელა ინვესიტიცია საქართველოს ისტორიაში არ მომხდარა და თუ ეს პროექტი ბიძინა ივანიშვილმა დააფინასა, „ქართუ“ ჯგუფი ამ ყველაფერზე განცხადებას გააკეთებდა.

ბოლოს მინდა ავღნიშნო, რომ ეს არის ბრწყინვალე მაგალითი იმისა, რომ ინფორმცია, რომელიც ვრცელდება, ჩვენი სამოქალაქო ვალია, მას კრიტიკულად მივუდგეთ"- განაცხდა დიმიტრი შაშკინმა.