საქართველოში სიგრძით ყველაზე დიდი, თითქმის 8,5 კმ-იანი გვირაბის გათხრის სამუშაოები დასრულდა.

„დასრულდა საქართველოში სიგრძით ყველაზე დიდი, თითქმის, 8.5-კილომეტრიანი გვირაბის გათხრის სამუშაოები. ქვიშხეთი-ზვარეს გვირაბი გახლავთ თბილისი-მახინჯაურის მთავარი სარკინიგზო მაგისტრალის მოდერნიზაციის პროექტის ნაწილი, რომლის განხორციელებამაც უაღრესად მნიშვნელოვანი როლი უნდა ითამაშოს ჩვენი ქვეყნის ინფრასტრუქტურის განვითარებისთვის. ამ მასშტაბური პროექტის განხორციელების შედეგად, გაიზრდება სარკინიგზო ხაზის გამტარუნარიანობა, გაძლიერდება უღელტეხილი მონაკვეთზე მოძრავი შემადგენლობის უსაფრთხოება და რაც ასევე ძალიან მნიშვნელოვანია, შემცირდება მგზავრობის დრო და მატარებელი თბილისიდან ბათუმამდე მანძილს კიდევ უფრო მოკლე დროში დაფარავს,“ - განაცხადა გიორგი კვირიკაშვილმა.

პრემიერის განცხადებით, მათი გათვლებით პროექტი 2020 წლისთვის უნდა დასრულდეს.