ეს ხელისუფლება იტაცებს ჟურნალისტებსა და სამხედრო ოფიცრებს, რომლებიც სისხლით იცავენ უკრაინას

ეს ხელისუფლება იტაცებს ჟურნალისტებსა და სამხედრო ოფიცრებს, რომლებიც სისხლით იცავენ უკრაინას - შაშკინი უკრაინელებს მიმართავს

პოლიტიკა - 17:53, 18 Nov, 2017

1650

საქართველოს თავდაცვის, განათლებისა და მეცნიერების ყოფილი მინისტრი დიმიტრი შაშკინი უკრაინიდან ქართველების დეპორტაციას თავის Facebook-ის გვერდზე ეხმიანება და უკრაინელებს მიმართავს.

"ჩემო ძვირფასო უკრაინელო მეგობრებო, ნახევრად მეც უკრაინელი ვარ და მამაც უკრაინაში დაიბადა, ამიტომაც "დიადი და დამოუკიდებელი" უკრაინის ბედი ჩემთვის ძალიან პირადულია. არის სამი საკითხი, რომლის გაგებაც მე ვერაფრით შევძელი:

1. კიდევ რამდენი უნდა მოიპარონ უკრაინის ხელისუფლებაშ მყოფმა "ბარიგებმა", რომ გაძღნენ? მათ ხომ უკვე იმდენი მოიპარეს, რომ ის ყელამდე ეყოფა მათ შვილის-შვილის-შვილის შვილიშვილებსშვილებს?

2. ნუთუ ამ პოლიტიკური ბარიგების" ვასალებს, რომლებიც მათ დანაშაულებრივ ბრძანებებს ასრულებენ, არ ესმით და ვერ ხედავენ, რომ ძალიან მალე "ბარიგების მმართველობა" შეიცვლება, ისინი საკუთარ საზღვარგარეთის პასპორტებს აიფარებენ და ქვეყნიდან დაახვევენ, ხოლომათ ვასალებს მოუწევთ უკრაინელი ხალხის წინაშე პასუხი სრულად აგონ?

3. რამდენი ხანი მოითმენს კიდევ ხალხი ამ უკანონობას, კორუფციას, ქურდობასა და დამცირებას? ეს ხელისუფლება ძარცვავს და კლავს თავის ხალხს, იტაცებს ჟურნალისტებსა და სამხედრო ოფიცრებს, რომლებიც თავისი სისხლით იცავენ უკრაინას, არადა ეს ოფიცრები თქვენს დასახმარებლად ყველაზე კრიტიკულ მომენტში მოვიდნენ..." - წერს დიმიტრი შაშკინი.