უკრაინის უსაფრთხოების სამსახურის ცნობით, ქვეყნიდან საქართველოს 8 მოქალაქე გამოაძევეს

პოლიტიკა - 12:39, 18 Nov, 2017

1303

უკრაინის უსაფრთხოების სამსახური ინფორმაციით 17 ნოემბერს ჩატარებული ღონისძიების შედეგად ქვეყნიდან საქართველოს 8 მოქალაქე გამოაძევეს, ამის მიზეზად კი უკრაინის უსაფრთხოების უზრუნველყოფას ასახელებენ:

„უკრაინის უსაფრთხოების სამსახურის, ნაციონალური პოლიციის, საიმიგრაციო და სასაზღვრო სამსახურების მიერ 17 ნოემბერ ს ჩატარებული იქნა ერთობლივი ღიონისძიება, რომლის მიზანიც საქართველოს 8 მოქალაქის სამშობლოში დაბრუნება იყო. აღნიშნული გადაწყვეტილების მიღება უკრაინის საიმიგრაციო სამსახურისა და უკრაინის ნაციონალური პოლიციის მასალების საფუძველზე მოხდა, რომელიც მიუთითებს რომ აღნიშნული პირების საქმიანობა ეწინააღდეგება უკრაინის უსაფრთხოების უზრუნველყოფის ინტერესებს. სამართალდამცავი ორგანოების ყველა ქმედება ხორციელდება ეროვნული და საერთაშორისო სამართლის მოთხოვნების შესაბამისად, რათა არ მოხდეს უკრაინის სისხლის სამართლის კოდექსით გათვალისწინებული დანაშაულის ჩადენა.“- აღნიშნულია უწყების განცხადებაში.

უწყება ქართველების ვინაობას არ აკონკრეტებს. თუმცა ცნობილია 8-დან 4 დეპორტირებულის ვინაობა. მათ შორის არიან „რუსთავი 2-ის“ ოპერატორი თამაზ შავშიშვილი და ქართველი მებრძოლები - ვანო ნადირაძე, ზურაბ ცინცაძე და მამუკა აბაშიძე.