"უარვყოფ, რომ მე ვარ ჰომოფობი, ფაშისტი, მოძალადე" - ჭონქაზე ოპოზიციას შეურაცხმყოფელი განცხადებების გავრცელებაში ადანაშაულებს

პოლიტიკა - 19:23, 17 Nov, 2017

1389

თბილისის მერიის უსაფრთხოების საქალაქო სამსახურის უფროსმა ნუგზარ ჭონქაძე ოპოზიციის წარმომადგენლებს მის მიმართ შეურაცხმყოფელი განცხადებების გავრცელებაში ადანაშაულებს.

საკრებულოს სხდომაზე ოპოზიციის მხრიდან გამოითქვა მოსაზრებები, რომ ნიკოლოზ ჭონქაძე სოციალურ ქსელში დარეგისტრირებული იყო, როგორც სულიკო კედელაშვილი და გამოირჩეოდა ქსენოფობიური განცხადებებით.

"ეს იყო ჩემი შეურაცხყოფა, სამი დღის მანძილზე ვითმენდი ამ შეურაცხყოფებს, მათ შორის ამ დარბაზშიც. საუბრობენ და ბრალდებებს მიყენებდნენ ადამიანები, რომლებიც საერთოდ არ მიცნობენ, მათ არ იციან ჩემი ცხოვრების წესი, სტილი და ცხოვრებაში არ ჰქონიათ ჩემთან ურთიერთობა. ამ ბარლდებებს თავისი ფანტაზიის საფუძველზე მიყენებდნენ, ამ შეურაცხყოფებს ისმენდნენ ჩემი ოჯახის წევრები და მეგობრები. ეს ხდებოდა არა პრივატულ სივრცეში, არამედ საჯაროდ, მათ შორის ტელევიზიაშიც. უარვყოფ, რომ ვარ ჰომოფობი, ფაშისტი და ა.შ ვერც ერთ ფაქტს ვერ მოიყვანენ, რომ ვინმეზე ძალა გამომეყენებინა, ან ვინმეზე მეძალადა. მე მათ არ ავყვები. ჩემ პროფესიულ საქმიანობასთან დაკავშირებით გეტყვით, რომ ჩემი ქალაქის სამსახურში მოვდივარ ჩემი საქმის საკეთებლად, მე ვარ მოხარული, რომ ჩემ შვილებ,ს ქალაქს და ამ ქალაქის მომავალს უნდა ვემსახურო” - განაცხადა ჭონქაძემ.