ლარის გასაჭირი - ხელისუფლება ეროვნული ბანკის პასუხისმგებლობაზე, ოპოზიცია კი მმართველი ძალის არასწორ ეკონომიკურ პოლიტიკაზე საუბრობს

პოლიტიკა - 09:52, 17 Nov, 2017

1769

ლარის რეკორდულად გაუფასურებაა მთავარი თემაა საკანონდებლო ორგანოშიც. ოფიციალური გაცვლითი კურსით ეროვნული ვალუტა დღესაც თითქმის ერთი თეთრით გაუფასურდა და 2.72 ლარს გასცდა.

მმართველი პოლიტიკური გუნდი პასუხისმგებლობას იხსნის და ახსნა-განმარტებას ეროვნული ბანკისგან ელოდება.

„გვინდა, რომ ეროვნულმა ბანკმა გვითხრას და განმარტებები გააკეთოს ამის შესახებ, რაც დღეს ლართან დამოკიდებულებაში ხდება. არც ის არის ჩვენი მოთხოვნა, რომ ხელოვნურად მოახდინოს, ძალიან მოკლე, ერთკვირიანი ჩარევა, გამოასწოროს მდგომარეობა და შემდეგ უარესად წავიდეს საქმე. საერთოდ დაუგდეთ ყური ამ შემთხვევაში პროფესიონალებს, აი ეს გვინდა,“ - განაცხადა ნუკრი ქანთარიამ.

კობა გვენეტაძესთან კითხვები აქვს „ევროპულ საქართველოსაც“, თუმცა ოპოზიცია პასუხისმგებლობას მთლიანად მმართველ გუნდს აკისრებს.

„ნაციონალურ მოძრაობაში“, თუმცა დევალვაციის გამო საკანონმდებლო ორგანოში ეროვნული ბანკის პრეზიდენტის დაბარებას არ ემხრობიან.

„ამაში არის დამნაშავე ხელისუფლება. პირველ რიგში არის დამნაშავე მთავრობა, რომელმაც შეცვალა ეკონომიკური პოლიტიკა, ფლანგავს ფულს, ანიავებს აქეთ-იქით. ახლა ბანკებს ნახევარი მილიარდი მისცა. 2 მილიარდი ლარი არის დარჩენილი თვენახევარში დასახარჯი, როდესაც საშუალო თვიური ხარჯი ზაფხულის თვეებში არის 800-900 მილიონი. მუდამ ერთი და იგივე შეცდომა,“ - აცხადებს რომან გოცირიძე.