„დაანონსდა პრეზიდენტ მარგველაშვილის წინააღმდეგ ბრძოლის ახალი სეზონი“- გიორგი აბაშიშვილი

პოლიტიკა - 17:28, 16 Nov, 2017

3315

საქართველოს პრეზიდენტის ადმინისტრაციის უფროსი გიორგი აბაშიშვილი პრეზიდენტ მარგველაშვილის წინააღმდეგ ბრძოლის ახალი სეზონის დაწყების შესახებ საუბრობს და აცხადებს, რომ პრეზიდენტის ინსტიტუტი ერთადერთი უმაღლესი პოლიტიკური ინსტიტუტია, რომელიც ვერ კონტროლდება ,,ქართული ოცნების“ მიერ. შესაბამისად, საზოგადოებისთვის ძალიან ნათელია, თუ საიდან მომდინარეობს, სად მიდის და რა მოტივაციითაა ნაკარნახევი ეს ინფორმაცია, ანალიზი და შეფასებები.

,,წარმოდგენილი ხარჯები გაწეულია სახლემწიფო დაცვის სამსახურის მიერ და არა პრეზიდენტის ადმინისტრაციის მიერ.

შესაბამისად, ეს ციფრები იყო სრულიად სიურპრიზი ჩვენთვის. ისევე როგორც თითოეულ თქვენგანს, საზოგადოებას და ჩვენც ძალიან გვაინტერესებს დაცვის სამსახურის მიერ გაწეული თითოეული თეთრის ეფექტიანობა.

რაც შეეხება პოლიტიკურ შემადგენელს. პრეზიდენტის ინსტიტუტი ერთადერთი უმაღლესი პოლიტიკური ინსტიტუტია, რომელიც ვერ კონტროლდება ,,ქართული ოცნების“ მიერ. შესაბამისად, მე ვფიქრობ, რომ საზოგადოებისთვის ძალიან ნათელია, თუ საიდან მომდინარეობს, სად მიდის და რა მოტივაციითაა ნაკარნახევი ეს ინფორმაცია, ანალიზი და შეფასებები“, - განაცხადა გიორგი აბაშიშვილმა.