განათლების მართვის საინფორმაციო სისტემა - EMIS-ი უქმდება - ცვლილებები განათლების შესახებ კანონში

პოლიტიკა - 15:16, 15 Nov, 2017

2184

„ზოგადი განათლების შესახებ“ საქართველოს კანონში ცვლილები შედის. კანონპროექტი სსიპ განათლების მართვის საინფორმაციო სისტემის ლიკვიდაციას ითვალისწინებს, რომლის უფლებამონაცვლედ განათლებისა და მეცნიერების სამინისტრო განისაზღვრა. ინიციატორმა - საქართველოს მთავრობამ - კანონპროექტის დაჩქარებული წესით განხილვა ითხოვა, რადგანაც სალიკვიდაციო სამუშაოების დასრულება 2018 წლის 1 იანვრამდეა დაგეგმილი.

“აღნიშნული განპირობებულია იმ გარემოებით, რომ განათლების მართვის საინფორმაციო სისტემას ისეთი ფუნქციები აღარ აქვს, რომელიც მის საჯარო სამართლის იურიდიულ პირად არსებობას აუცილებელს გახდიდა, რამდენადაც მიმდინარე წლიდან განათლების მართვის საინფორმაციო სისტემის მიერ განხორციელდა იმ მომსახურების სახელმწიფო შესყიდვა, რომელსაც წინა წლებში თავისი ადამიანური რესურსის საშუალებით ახორციელებდა”, – აღნიშნულია კანონპროექტის განმარტებით ბარათში.

EMIS-ი ცალკე სტრუქტურად 2012 წლიდან ჩამოყალიბდა. ახლადშექმნილი სსიპ-ის ძირითადი მიზანია თანამედროვე ინფორმაციულ-საკომუნიკაციო ტექნოლოგიების განვითარებისა და ახალი ელექტრონული მართვის სისტემების შექმნის გზით, განათლების სისტემის მხარდაჭერა იყო. 2012 წლამდე EMIS-ი სამინისტროს შემადგენლობაში შედიოდა