"იქნება გარემოს დაცვისა და სოფლის მეურნეობის სამინისტრო"- ლევან დავითაშვილი სამინისტროების გაერთიანებაზე

პოლიტიკა - 13:58, 15 Nov, 2017

1418

სოფლის მეურნეობის მინისტრის ლევან დავითაშვილის თქმით, გარემოს დაცვის სამინისტროსთან ხდება სოფლის მეურნეობის სამინისტრეს გაერთიანება და არა პირიქით.

„ეს იქნება გარემოს დაცვისა და სოფლის მეურნეობის სამინისტრო, სათაურიც ასეთი ფორმითაა წარმოდგენილი კანონპროექტში. საბოლოოდ, პარლამენტმა უნდა იმსჯელოს და გადაწყვიტოს.“- განაცხადა დავითაშვილმა.

მინისტრის თქმით სტრუქტურულ-ფუნქციონალური ცვლილებების მთავარი ამოცანა ეფექტიანი მართვაა, ამავე დროს ორი უწყების გაერთიანების შემდეგ ოპტიმიზაცია კადრების და თანხების კუთხითაც მოხდება:

„ოპტიმიზაცია კადრების და თანხების კუთხითაც მოხდება, რადგან ფუნქციების გაორება ვერ იქნება - ორი ადმინისტრაცია ერთ სამინისტროს ვერ ეყოლება. ამ შემთხვევაში ძირითადად საუბარია ადმინისტრაციული ბლოკების გაერთიანებაზე.“- აღნიშნა დავითაშვილმა.

შეგახსნებთ, პრემიერის მიერ წარდგენილი სტრუქტურულ-ფუნქციური ცვლილებების თანახმად, ხდება გარემოს დაცვისა და სოფლის მეურნეობის სამინისტროების გაერთიანება, ხოლო გარემოს დაცვისა და ბუნებრივი რესურსების სამინისტროს ბუნებრივი რესურსების მართვის კომპონენტი, ეკონომიკისა და ენერგეტიკის სამინისტროს უერთდება.