რუსთავის ახლადარჩეული მერი ირაკლი ტაბაღუა დღეიდან უფლებამოსილების განხორცილებას შეუდგა. მან პირველი სამუშაო დღე სიმბოლურად დასუფთავების აქციით დაიწყო.

ირაკლი ტაბაღუამ დილის 07:00 საათიდან, რუსთავის მერიის შესაბამისი სამსახურის თანამშრომლებთან ერთად, შარტავას, ლეონიძის ქუჩაზე და მეგობრობრობის გამზირზე, არსებული საცხოვრებელი კორპუსების შიდა ეზოები დაასუფთავა. ქალაქის მერი მეეზოვეებსაც გაესაუბრა და აღნიშნა, რომ მისთვის მთავარი პრიორიტეტი რუსთავზე და რუსთაველებზე ზრუნვა იქნება.

ირაკლი ტაბაღუა რუსთავის მოსახლეობამ ქალაქის მერად 2017 წლის 21 ოქტომბრის ადგილობრივი თვითმმართველობის არჩევნებში აირჩია. მან ამომრჩეველთა ხმების 53, 05 % მიიღო.