ევროკომისიის ანგარიშს საქართველოს მიერ ასოცირების შეთანხმების შესრულების თაობაზე, ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში, ფედერიკა მოგერინი გამოეხმაურა:

„ევროკავშირმა და საქართველომ ბევრი ჩადეს მტკიცე პარტნიორობაში, რაც უფრო და უფრო ძლიერი ხდება და ჩვენს მოქალაქეებს დიდ სარგებელს აძლევს. მარტის თვიდან საქართველოს მოქალაქეებს შეუძლიათ შენგენის ზონაში უვიზო რეჟიმით სარგებლობა. ჩვენ ვხედავთ უფრო მეტ გაცვლას ჩვენს სტუდენტებს შორის და ჩვენი ბიზნესისთვის ვაჭრობის უფრო მეტი შესაძლებლობაა. დღევანდელი ანგარიში ცხადყოფს საქართველოს რეფორმების დღის წესრიგში აშკარა პროგრესს. ევროკავშირი განაგრძობს იმ სამუშაოს მხარდაჭერას, რომელიც კიდევ განსახორციელებელია რამდენიმე მნიშვნელოვან სფეროში და ერთგული დარჩება ასოცირების ხელშეკრულების ჩვენი დღის წესრიგისადმი“, - განაცხადა ფედერიკა მოგერინიმ.