იუსტიციის საბჭოში თავმჯდომარესა და წევრებს შორის შიგნით დიალოგს უნდა მიენიჭოს პრიორიტეტი

იუსტიციის საბჭოში თავმჯდომარესა და წევრებს შორის შიგნით დიალოგს უნდა მიენიჭოს პრიორიტეტი - თეა წულუკიანი

პოლიტიკა - 15:01, 10 Nov, 2017

975

იუსტიციის მინისტრი ბოლო დროს იუსტიციის უმაღლეს საბჭოში განვითარებულო მოვლენების კომენტირებისას ამბობს, რომ საბჭოში შიგნით დიალოგს უნდა მიენიჭოს პრიორიტეტი.

"ბოლო დღეებში ჩვენ რაც ვიხილეთ იუსტიციის უმაღლესი საბჭოს ფარგლებში გარკვეული მოსამართლეების უვადოდ დანიშვნის საკითხთან დაკავშირებით, რა თქმა უნდა, მოწმობს იმას, რომ პროცესი იყო სირთულეებით სავსე, როგორც იუსტიციის უმაღლესი საბჭოს წევრების ასევე თავმჯდომარისთვის. მე, როგორც ამ პროცესის დამკვირვებელი გარედან, ვფიქრობ, რომ მომავალში აუცილებელი იქნება, რომ წევრებმა და თავმჯდომარემ ერთმანეთში კომუნიკაცია არა მხოლოდ გააუმჯობესო, არამედ კომუნიკაციას და შიგნით დიალოგს უნდა მიენიჭოს პრიორიტეტი, იმისათვის, რომ არ იყოს მომავალში ამგვარი შემთხვევები. რაც შეეხება კონკრეტული მოსამართლების დანიშვნა არ დანიშვნის საკითხს, ეს რა თქმა უნდა არ ეხება მთავრობას, ეს ეხება მხოლოდ და მხოლოდ მართლმსაჯულებას, რომელმაც შიგნით უნდა იქონიოს ჯანსაღი პროცესები, იმისთვის, რომ შეარჩიოს ყველაზე კომპეტენტური და მიუკერძოებელი კადრები," - აღნიშნა წულუკიანმა.

ნინო გვენეტაძემ 34 მოსამართლის უვადოდ დანიშვნას ხელი სამ კვირიანი ფიქრის შემდეგ მოაწერა ხელი. ამ ფაქტს კი, წინ უძღოდა დაპირისპირება და ურთიერთბრალდებები საბჭოს თავმჯდომარესა და წევრებს შორის.