"აბესაძის ჯანმრთელობის მდგომარეობა მძიმეა" - ადვოკატი პასუხიმგებლობას პროკურატურას და მოსამართლეს აკისრებს

პოლიტიკა - 10:33, 10 Nov, 2017

1447

ქრთამის აღების ფაქტზე დაკავებული მერიის ყოფილი მაღალჩინოსანი ოთარ აბესაძე, თავს კვლავ შეუძლოდ გრძობს. ამის შესახებ ინფორმაციას ბრალდებულის ადვოკატები ავრცელებენ.

დაკავებულის ჯანმრთელობის მდგომარეობის გაუარესებაზე პასუხიმგებლობას ადვოკატი პროკურატურას და მოსამართლეს აკისრებს.

ადვოკატ ირმა ჭკადუას განცხადებით, აბესაძე კორუფციის ბრალდებას აღიარებს. ადვოკატის თქმით, მისი დაცვისქვეშ მყოფის მდგომარეობის გათვალისწინებით, აბესაძე მინიმუმ გირაოთი უნდა იყოს გათავისუფლებული.

"წარდგენილი გვაქვს ერთი ექსპერტიზის დასკვნა, რომლის სწორად შეფასების შემთხვევაში, აბესაზ მინიმუმ გირაოთი უნდა იყოს გამოშვებული. ის აღიარებს ჩადენილ დანაშაულს, პრაქტიკულად ინანიებს... ყველა ადამიანს ერთნაირად არ შეუძლია გაუძლოს დახურულ სივრცეში ყოფნას. ვიმედოვნებთ, რომ აბესაზის მიმართ სასამართლო იქნება განსაკუთრებით სამართლიანი"- აღნიშნა ადვოკატმა.

მერიის ყოფილი თანამშრომლის საქმის განხილვა დღეს ბრალდების მოწმეების დაკითხვით განახლდება. ოთარ აბესაძის ადვოკატის განმარტებით, პროცესის ფარგლებში ათეულობით ჩვენება უნდა მოისმინონ. ბრალდებულის ინტერესების დამცველის განცხადებით, სხდომას დაესწრება თავად

ჯანმრთელობის მდგომარეობის გაუარესების გამო, დაცვის მხარემ აღკვეთის ღონისძიების გირაოთი შეცვლა უშედეგოდ, ამ დროისთვის უკვე ორჯერ მოითხოვა.