ხარაგაულში 28 წლის მამაკაცმა თავი ჩამოიხრჩო - ოჯახი პოლიციის მხრიდან ზეწოლაზე საუბრობს

შემთხვევა - 10:49, 09 Nov, 2017

2758

ხარაგაულში 28 წლის ამირან კვირიკაშვილმა სიცოცხლე თვითმკვლელობით დაასრულა. ოჯახის წევრები სუიციდის მიზეზად პოლიციის მხრიდან ზეწოლას ასაახელებენ.

ოჯახის ახლობლები პირად საუბარში აცხადებენ, რომ ძმები კვრიკაშვილები ჯართს აგროვებდენენ და განყოფილებაში რამდენჯერმე სწორედ ამ საკითხზე დაიბარეს და სავარაუდოდ კონკრეტული პირების დასმენას სთხოვდნენ.

გარდაცვლილის ახლობლები იხსენებენ, რომ პოლიციიდან დაბრუნების შემდეგ ამირან კვირიკაშვილი ამბობდა რომ ან სამართალდამცავებს მოკლავდა ან თავს მოიკლავდა.

კვირიკაშვილების ოჯახი სოციალურად დაუცველია.

„პირადად მე მითხრა, ან თავი უნდა მოვიკლა ან ეგენი უნდა მოვკლაო. ისეთი იყო, რომ მათ ვერაფერს დაუშავებდა ისევ დაუშავა მის თავს. ერთადერთი ჩემი მოთხოვნაა რომ არ ვნახო ჩემს ჭიშკართან არანაირი პოლიცია და მეორე, ჩემს ძმას, რომელმაც წერა-კითხვა არ იცის აწერინებენ რაღაც საბუთზე ხელს უმშობლოდ, ამოიღონ ის საბუთი და მაჩვენონ რაზე მოაწერინეს ხელი. დამთავრდეს ჩემი ძმების შეწუხება, რომლებიც ჯართს აგროვებენ და ისე ჭამენ პურს,“-აცხადებს გარდაცვლილის და.

"ნიუპოსტი" შინაგან სამეთა სამინისტროს დაუკავშირდა. უწყებაში აცხადებენ, რომ გამოძიება 115 მუხლით მიმდინარეობს, რაც თვითმკვლელობამდე მიყვანას გულისხმობს.

რაც შეეხება პოლიციელთა მხრიდან შესაძლო ზეწოლის ფაქტს, შს სამინისტრო ამ საკითხზე კომენტარის გაკეთებისგან თავს იკავებს.