ორშაბათის მოლოდინში - კალაძე მერიაში საკადრო წმენდას იწყებს

პოლიტიკა - 22:38, 12 Nov, 2017

6922

კახა კალაძე დედაქალაქის მერად ოფიციალურად 12 ნოემბრიდან არის, თუმცა ის უფლებამოსილების განხორციელებას ხვალიდან დაიწყებს. თბილისის არჩეული მერი მოსალოდნელ საკადრო ცვლილებებზე საუბრობს თუმცა დეტალებს არ აკონკრეტებს:

„ორშაბათს საინტერესო დღე იქნება, საკადრო ცვლილებებიც იქნება“- განაცხადა კახა კალაძემ ჟურნალისტებთან საუბრისას.

სავარაუდოდ პოსტს ბაღების გაერთიანების თავმჯდომარე დატოვებს, რომლის სახელიც ე.წ. ბაღების სკანდალს თითქმის ბოლო ერთი წელია უკავშიდრება. თორდინავა ნარმანიას ახლო ნათესავიცაა.

ამ დროისთვის ცნობილია, რომ კახა კალაძის მოადგილის პოსტს მაია ბითაძე და ირაკლი ხმალაძე დაიკავებენ. გავრცელებული ინფორმაციით თანამდებობას შეინარჩუნებს ნარმანიას ერთი მოადგილ, გიგა ნიკოლეიშვილი.

სავარაუდოდ პოსტს ბაღების გაერთიანების თავმჯდომარეც დატოვებს, რომლის სახელიც ე.წ. ბაღების სკანდალს თითქმის ბოლო ერთი წელია უკავშიდრება. თორდინავა ნარმანიას ახლო ნათესავიცაა. გავრცელებული ინფორმაციით, ცვლილებები შეეხება მერიას დაქვემდებარებული სსიპ-ების უფროსებსაც, მიუხედავად იმისა, რომ კანონი აქ ხელმძღვანელი პირების გათავისუფლებას არ ითვალისწინებს.

სადგილობრივი თვითმმართველობის კოდექსის შესაბამისად, მერის მოადგილეებს, მერიის სტრუქტურული ერთეულების ხელმძღვანელებსა და რაიონების გამგებლებს უფლებამოსილებები დღეს, 12 ნოემბერს შეუწყდათ.