ხაბეიშვილი ანტიკორუფციულ სამსახურს საკრებულოს მაჟორიტარების ბიუროებში სავარაუდო კორუფციის ნიშნების შესახებ ინფორმაციას აწვდის

პოლიტიკა - 12:20, 08 Nov, 2017

1239

"ერთიანი ნცაიონალური მოძრაობის" წევრი ლევან ხაბეიშვილი ანტიკორუფციულ სამსახურს თბილისის საკრებულოს მაჟორიტარების ბიუროებში გამოვლენილ დარღვევებზე დეტალურ ინფორმაციას აწვდის.

ხაბეიშვილი უწყებას, ამ წუთებში დეპუტატების მიერ საკუთარი ოჯახის წევრებისა და ნათესავების დასაქმების შესახებ გამოძიებას დამატებით მასალებს აწვდის.

„თბილისის საკრებულოში მაჟორიტარი დეპუტატების ბიუროებში არსებულ სავარაუდო კორუფციაზე, რაზეც ჩვენ განცხადება გავაკეთეთ კონკრეტულ დოკუმენტაციაზე დაყრდნობით, ანტიკორუფციულმა ბიურომ მიიჩნია, რომ ეს დოკუმენტაცია საკმარისია, რომ გამოძიება დაიწყოს. გამოძიება დაწყებულია, დამატებითი ინფორმაციის მიწოდების მიზნით დაბარებული ვარ ანტიკორუფციულ ბიუროში. ველოდებით კონკრეტულ ქმედებით ნაბიჯებს, დროა, რომ ეს საქმეები იყოს გამოძიებული და ანტიკორუფციულ ბიუროს შესაბამისი რეაგირება ჰქონდეს. თუ ამას ისინი დღეს არ გააკეთებენ, მოვა ხელისუფლება, რომელიც ბიუჯეტის ფაროსანებს პასუხს ნამდვილად გასცემს“- განაცხადა ხაბეიშვილმა.

ლევან ხაბეიშვილის თქმით, მაჟორიტარულ ბიუროებში თანამშრომლები სამუშაო საათებში არ მუშაობენ და თანხები არამიზნობრივად იხარჯება.