მთაწმინდის პარკის მიმდებარე ტერიტორიაზე ხმაური და დაპირისპირება იყო. არსებული ინფორმაციით, ადგილობრივები რუს ტურისტებს დაუპირისპირდნენ, რის შედეგადაც მათი ავტომობილი დააზიანეს.

ინციდენტში მონაწილე რამდენიმე პირი დასაკითხად პოლიციის განყოფილებაში გადაიყვანეს, ადგილზე ექსპერტ-კრიმინალისტები მუშაობდნენ.

უცნობია წარედგინა თუ არა დაპირისპირებაში მონაწილე პირებს ბრალი ან მოხდა თუ არა რომელიმე მათგანის დაკავება. შინაგან საქმეთა სამინისტრო დამატებით ინფორმაციას დღეს გაავრცელებს.