"გოგა ონიანის დაკავება არის შერჩევითი მართლმსაჯულების კლასიკური ნიმუში"

"გოგა ონიანის დაკავება არის შერჩევითი მართლმსაჯულების კლასიკური ნიმუში" - „ახალი საქართველო“

პოლიტიკა - 18:08, 07 Nov, 2017

1286

„ახალი საქართველო“ გოგა ონიანის დაკავებასთან დაკვშირებით განცხადებას ავრცელებს, სადაც აღნიშნულია, რომ ონიანის დაკავება არის შერჩევითი მართლმსაჯულების კლასიკური ნიმუში.

„ადვოკატ გიორგი ონიანის დაკავება არის შერჩევითი მართლმასაჯულების კლასიკური ნიმუში, რომელიც პოლიტიკური მოტივებითაა ნაკარნახევი!

მიგვაჩნია, რომ გიორგი ონიანს რომც ჩაედინა ის დანაშაული, რასაც მას პროკურატურა ედავება, მასთან ერთად ბრალდებული უნდა ყოფილიყო სხვა 4 პოლიციელიც, რომლებიც სამსახურში დატოვეს. ფაქტია, გოგა ონიანი ხელისუფლების კრიტიკის და მისი პრინციპული პოზიციის გამო დააკავეს.

ჩვენი ინფორმაციით, დაცვის მხარემ უამრავი მტკიცებულება წარადგინა. მათ შორის მნიშვნელვანია სახალხო დამცველის მოწმის სტატუსით მიცემული ჩვენებაც, რომელმაც დაადასტურა მოწმეზე ზეწოლისა და ზემოქმედების ფაქტი. აღნიშნული, კიდევ ერთხელ ადასტურებს ხელისუფლების ინტერესს - როგორმე თავისუფლება აღეკვეთათ მათთვის არასასურველი პირისთვის.

სამწუხაროა, რომ „ქართული ოცნება“ ხელისუფლებაში მოსვლიდან 5 წლის შემდეგ, დაპირებული დამოუკიდებელი და სამართლიანი მართლმსაჯულების სისტემის ნაცვლად, კვლავ ოპონენტების პოლიტიკური ანგარიშწორების მექანიზმად იყენებს სასამართლოს.

იმედს ვიტოვებთ, რომ საქმეზე ჭეშმარიტების დადგენა, შემდგომი ინსტანციის პირობებში მაინც მოხერდხება“- ნათქვამია „ახალი საქართველოს“ მიერ გავრცლებულ განცხადებაში.