სერბი კინორეჟისორი ემირ კუსტურიცა ოკუპირებლი აფხაზეთის ე.წ „კეთილი ნების ელჩი“ გახდა, სერთიფიკატი და მედალი რეჟისორს მოსკოვში გადაცეს.

„აფხაზეთში მდებარე უძველესი ქრისტიანული ტაძრები დაცული უნდა იყოს და მომავალ თაობებს მისი ნახვა უნდა შეეძლოთ.“- განაცხადა კუსტურიცამ, მისი თქმით კავკასიაში პირველი ქრისტიანული ტაძრები სწორედ აფხაზეთში აშენდა და მსოფლიო საზოგადოებამ , უპირველე ყოვლისა კი გაერომ მათი სავალალო მდგომარეობის იგნორირება არ უნდა მოახდინოს .

ოკუპირებული აფხაზეთის სეპარატისტული რეჟიმი, რუსი ოკუპანტების ხელშეწყობით, კვლავ ცდილობს ისტორიის გაყალბებას. ე.წ. არასამთავრობო ორგანიზაცია "აფხაზეთის კეთილი ნების ელჩები" ინტერნეტში ავრცელებენ ვიდეოს, რომელზეც გაეროს და იუნესკოს მიმართავენ თხოვნით, რომ მათ კონტროლზე აიყვანონ ე.წ. "აფხაზური კულტურული მემკვიდრეობის ძეგლები".

ვიდეორგოლში აფხაზეთი (და არა საქართველო) მოხსენიებულია როგორც უძველესი ქრისტიანული ქვეყანა, სადაც მოღვაწეობდნენ წმ. მოციქულები ანდრია და სიმონ კანანელი. ქართველი მეფეები ლეონი და ბაგრატ მესამე - აფხაზ მეფეებად. ვიდეოში "აფხაზურ" ძეგლებად მოხსენიებულია საქართველოს რელიგიური სიწმინდეები, უძველესი არქიტექტორული და ისტორიული სიმდიდრეები, როგორიცაა ბედიის სამონასტრო კომპლექსი, ბიჭვინთის, ლიხნის, მოქვის და ანაკოფიის ტაძრები - აფხაზურ ტაძრებად, რაც აღმაშფოთებელი სიცრუეა.

ამავე დროს, ვიდეოში მოყვანილია აღმაშფოთებელი ფაქტი, თითქოს აფხაზეთის ტერიტორიაზე მიმდინარე რუსულ-ქართული ომის დროს, ქართველი მებრძოლები მიზანმიმართულად ესროდნენ ჭურვებს უძველეს ქრისტიანულ ძეგლებს.