ნიკა მელიას განცხადებას "ევროპულ საქართველოში" პასუხობენ

პოლიტიკა - 15:12, 07 Nov, 2017

1606

ევროპული საქართველოს წევრის ოთო კახიძე ნიკა მელიას განცხდებას გიორგი ონიანის დაკავებასთან დაკავშირებით პასუხობს. კახიძე იმედს გამოთქვამს, რომ მისი კოლეგები ”ნაციონალური მოძრაობიდან” ”ამ აბსოლუტურად სულელურ და ბრიყვულ ბრალდებას არ იზიარებენ".

,,დღეს ჩვენ უნდა ვისაუბროთ ივანიშვილის ხელისუფლებაზე, მის პოლიტიკურ დაკვეთაზე და იმ სასამართლოზე, რომელიც ივანიშვილის ხელისუფლების დაკრულზე ცეკვავს. ეს უნდა იყოს ოპოზიციის მთავარი სამიზნე. ამ შემთხვევაში ყურადღების გადატანა სხვა ოპოზიციურ პარტიებზე და შიდაოპოზიციურ გარჩევის თემად ქცევა ონიანის დაპატიმრება. არის ერთის მხრივ უპასუხისმგებლობა და მეორეს მხრივ სიბრიყვე. რაც აწყობს ხელისუფლებას ეს არის, რომ ვისაუბროთ არა ხელისუფლებაზე, არამედ ნაციონალურ მოძრაობა-ევროპული საქართველოს დაპირისპირებაზე. ის ნამდვილად ბრალდებულია ხუთი წლის განმავლობაში. ის ციხეში არ მჯდარა და იმედია არც მოუწევს ჩაჯდომა. თუ დააღწევს თავს თავისუფლად ივანიშვილის მარწუხებს საერთაშორისო ზეწოლიდან გამომდინარე ან თუ ივანიშვილს არ მოუნდება ამ პოლიტიკური ფასის გადახდა მისი დაკავებით ეს იქნება მხოლოდ კარგი და ამაზე კი არ წამოაძახებს ევროპული საქართველო, რომ შენ რახან თავისუფლებაში ხარ გარიგდი, პირიქით ყველაფერს გააკეთებს, რომ კიდევ ერთი პოლიტიკური პატიმარი არ შეემატოს ივანიშვილის პირადი პატიმრის რიგებს. ესეთი უპასუხისმგებლო განცხადებების გაკეთების ნაცვლად ჯობია ნაციონალური მოძრაობის პოლიტსაბჭოს თავმჯდომარე დაკავდეს ივანიშვილის ხელისუფლებასთან ოპონირებით და მე ძალიან დიდ იმედს გამოვთქვამ, რომ მისი კოლეგები ნაციონალური მოძრაობიდან ამ აბსოლუტურად სულელურ და ბრიყვულ ბრალდებას არ იზიარებენ,’’ - განაცხადა ოთო კახიძემ.